தொடரை வெல்ல அதிரடி காட்டிய மிதாலி, ஜமிமா - தென் ஆப்ரிக்காவுக்கு 167 ரன்கள் இலக்கு

கேப்டவுன் : தென் ஆப்ரிக்காவுக்கு எதிரான 5வது டி20 போட்டியில் இந்திய அணி 166 ரன்கள் எடுத்துள்ளது.

தென் ஆப்ரிக்கா சென்றுள்ள இந்திய பெண்கள் அணி 3ஒருநாள், 5 டி20 போட்டிகளில் விளையாடி வருகின்றது. ஏற்கனவே 2-1 என ஒருநாள் தொடரை வென்ற இந்திய அணி, 4 டி20 போட்டிகள் முடிவில் இந்தியா 3-1 என முன்னிலையில் உள்ளது.

அதிரடி காட்டிய மிதாலி :
டாஸ் வென்ற தென் ஆப்ரிக்கா அணி முதலில் பவுலிங் செய்ய தீர்மானித்தது. தொடக்க வீரர்களாக களமிறங்கிய மிதாலி ராஜ், மந்தனா அதிரடியாக தொடங்கினார்.
மந்தனா 13 ரன்களில் அவுட்டாக பின்னர் இணைந்த மிதாலி ராஜ், ஜமிமா ரோட்ரிக்ஸ் இன்ணை மிக சிறப்பாக விளையாடினர்.

மேலும் படிக்க : ​ டி20 கிரிக்கெட் - அதிரடி காட்டிய மிதாலி : தொடரை வென்று அசத்திய இந்தியா பெண்கள் அணி

மிதாலி ராஜ் 50 ஓவரில் 3 சிக்ஸர், 8 பவுண்டரிகள் அடித்து 62 ரன்கள் குவித்தார். அதே போல் ஜமிமா 34 பந்தில் 2 சிக்ஸர், 3 பவுண்டரிகள் அடித்து 44 குவித்தார். அடுத்து வந்த கேப்டன் ஹர்மன்பிரீத் கவுர் 27 ரன்கள் விளாச 20 ஓவர் முடிவில் 4 விக்கெட்டுக்கு 166 ரன்கள் இந்தியா குவித்துள்ளது.

இந்த போட்டியில் வென்று தொடரை கைப்பற்றும் என்று எதிர்பார்க்கப்படுகின்றது.