‘ஒரே திகிலா இருக்கேப்பா'...10 ரன்களை மட்டும் அடித்த அணி: 2 பந்தில் அபார வெற்றி..புதிய வரலாறு படைப்பு!

ஐசல் ஆப் மேன் நாட்டிற்கு சென்ற ஸ்பெய்ன் அணி அங்கு 6 போட்டிகள் கொண்ட டி20 தொடரில் பங்கேற்று விளையாடியது.

ஐசல் ஆப் மேன் என்பது ஒரு குட்டி தீவாகும். இது இங்கிலாந்து, அயர்லாந்து நாடுகளுக்கு இடையில் இருக்கிறது. இங்கிலாந்து, அயர்லாந்து நாடுகளைப் போல, ஐசல் ஆப் மேன் நாடும் கிரிக்கெட்டில் சாதிக்க ஸ்பெய்னுக்கு எதிராக பெரிய தாக்கத்தை ஏற்படுத்தும் என எதிர்பார்க்கப்பட்டது. ஆனால், அப்படி நடக்கவில்லை.

ஸ்பெய்ன் அபரம்:

6 போட்டிகள் கொண்ட இந்த டி20 தொடரில் முதல் போட்டியில் ஸ்பெய்ன் அணி அபார வெற்றியைப் பெற்றது. இதனைத் தொடர்ந்து இரண்டாவது போட்டி மழை காரணமாக ரத்தானது. தொடர்ந்து 3,4,5 ஆகிய போட்டிகளில் ஸ்பெய்ன் அணி ஆதிக்கம் செலுத்தி அபார வெற்றியைப் பெற்றது. இதனைத் தொடர்ந்து 6ஆவது போட்டி துவங்கி நடைபெற்றது.

10 ரன்களுக்கு அவுட்:

இப்போட்டியில் டாஸ் வென்ற ஐசல் ஆப் மேன் அணி முதலில் பேட்டிங்கை தேர்வு செய்தது. இதில், அதிகபட்சமாக மிடில் வரிசை பேட்டர் ஜோசப் 4 ரன்களை அடித்தார். மேலும், மூன்று பேட்டர்கள் தலா 2 ரன்களை சேர்த்தார்கள். மற்ற 6 பேட்டர்கள் டக் அவுட் ஆகி ஷாக் கொடுத்தனர். இதனால், ஐசல் ஆப் மேன் அணி 8.4 ஓவர்களில் 10/10 ரன்களை மட்டும் சேர்த்தது. ஒரு சர்வதேச போட்டியில் ஒரு அணி 10 ரன்களுக்கு ஆல்-அவுட் ஆவது இதுதான் முதல்முறை.

2 பந்தில் வெற்றி:

இதனைத் தொடர்ந்து இலக்கை துரத்திக் களமிறங்கிய ஸ்பெய்ன் அணியில் ஆவேஸ் அகமது முதல் இரண்டு பந்துகளிலும் சிக்ஸர் அடித்து அசத்தினார். இதனால், ஸ்பெய்ன் அணி முதல் இரண்டு பந்துகளிலேயே வெற்றியைப் பெற்று வரலாறு படைத்தது.