AUS vs SL: சீட்டுக்கட்டாக சரிந்த இலங்கை...: ஆஸி.,க்கு 118 ரன்கள் இலக்கு!

ஆஸ்திரேலியா சென்றுள்ள இலங்கை அணி, 3 டி-20 போட்டிகள் கொண்ட தொடரில் பங்கேற்கிறது. அடிலெய்டில் நடந்த முதல் போட்டியில் ஆஸ்திரேலிய அணி, 134 ரன்கள் வித்தியாசத்தில் வென்றது. இரு அணிகள் மோதும் இரண்டாவது டி-20 போட்டி பிரிஸ்பேனில் இன்று நடக்கிறது.

மூன்று மாற்றங்கள்:
இதில் ‘டாஸ்’ வென்ற இலங்கை அணி கேப்டன் லசித் மலிங்கா, முதலில் ‘பேட்டிங்’ தேர்வு செய்தார். ஆஸ்திரேலிய அணியில் மிட்சல் ஸ்டார்க்கிற்கு பதிலாக ஸ்டான்லெக் அணியில் இடம் பெற்றார். இலங்கை அணியை பொறுத்தவரையில், பானுகா ராஜபக்‌ஷா, ஒசாடா பெர்ணாண்டோ, கசும் ராஜிதா ஆகியோருக்கு பதிலாக அவிஸ்கா பெர்ணாண்டோ, நிரோஷன் டிக்வெலா, இஸ்ரூ உதானா அணியில் சேர்க்கப்பட்டனர்.

சொதப்பல் பேட்டிங்
இதையடுத்து களமிறங்கிய இலங்கை அணிக்கு துவக்க வீரர் குசல் மெண்டிஸ் (1) சொதப்பலாக வெளியேறினார். அடுத்து வந்த அவிஸ்கா (17), குணதிலகா (21) நீண்டநேரம் நிலைக்கவில்லை. டிக்வெலா (5), சானகா (1) ஏமாற்றினர்.


பெரேரா ஆறுதல்
ஆஸ்திரேலிய பவுலர்களின் பந்துவீச்சில் இலங்கை அணி பேட்ஸ்மேன்கள் சீட்டுக்கட்டாக சரிந்தனர். அடுத்து வந்த குசல் பெரேரா (27), ஹசரங்கா (10), உதனா (10), மலிங்கா (9) வந்த வேகத்தில் பெவிலியன் திரும்ப, இலங்கை அணி 19 ஓவரில் 117 ரன்களுக்கு ஆல் அவுட்டானது.


ஆஸ்திரேலிய அணி விவரம்: ஆரோன் பின்ச்(கே), டேவிட் வார்னர், ஸ்டீவ் ஸ்மித், கிளன் மேக்ஸ்வெல், ஆஸ்டன் டர்னர், அலெக்ஸ் கேரி, அஸ்டன் அகார், பாட் கம்மின்ஸ், கேன் ரிச்சர்ட்சன், ஆடம் ஜாம்பா, பில்லி ஸ்டான்லேக்.

இலங்கை அணி விவரம்: தனுஷ்கா குணதிலகா, அவிஸ்கா பெர்ணாண்டோ, குசல் மெண்டிஸ், குசல் பெரேரா, நிரோஷன் டிக்வெலா, தசுன் சானகா, வானிடு ஹசரங்கா, இஸ்ரூ உதானா, லக்சன் சந்தகன், லசித் மலிங்கா (கே), நுவன் பிரதீப்.