அக்தரின் அசுர வேக உலகசாதனையை தூசியாக்கிய இலங்கையின் குட்டி மலிங்கா... என்னா வேகம் தெரியுமா?

தென் ஆப்ரிக்காவில் 19 வயதுக்கு உட்படோருக்கான 13வது உலகக்கோப்பை கிரிக்கெட் தொடர் நடக்கிறது. இதில் மொத்தமாக 16 அணிகள் பங்கேற்கிறது. மொத்தமாக 4 பிரிவுகளாக பிரிக்கப்பட்டு, ஒவ்வொரு பிரிவிலும் 4 அணிகள் இடம் பெற்றுள்ளன. இதில் இந்திய அணி ஏ பிரிவில் ஜப்பான், நியூசிலாந்து, இலங்கை அணிகளுடன் இடம் பெற்றுள்ளது.

இந்தியா வெற்றி
இதில் நேற்று நடந்த லீக் போட்டியில் இந்திய அணி இலங்கை அணியை 90 ரன்கள் வித்தியாசத்தில் வீழ்த்தியது. இதில் இந்திய அணி பேட்டிங் செய்த போது, இலங்கையின் வேகப்பந்துவீச்சாளர் மதீஷா பதிரானா போட்டியின் 4ஆவது ஓவரை வீசினார். இதை இந்திய வீரர் யாஷவி ஜெயிஸ்வால் எதிர்கொண்டார். அப்போது மதீஷா பதிரானா 175 கி.மீ வேகத்தில் ப[ந்து வீசினார். இதன் மூலம் எந்த ஒரு சர்வதேச கிரிக்கெட்டிலும் அதிகவேகத்தில் வீசப்பட்ட பந்தாக இது அமைந்தது.

அக்தர் வேகம்
முன்னதாக கடந்த 2003இல் நடந்த உலகக்கோப்பை கிரிக்கெட் தொடரில் இங்கிலாந்து அணிக்கு எதிராக 161.3 கி.மீ வேகத்தில் வீசியதே சர்வதேச கிரிக்கெட்டில் வீசப்பட்ட பந்தாகும். அக்தரின் இந்த உலக சாதனையை மதீஷா பதிரானா தற்போது தகர்த்துள்ளார். ஆனால் இதை தவறான வேக கணக்கீடு என பலரும் தெரிவித்த போதும் ஐசிசி இதுவரை இதை மறுக்கவில்லை. இதனால் மதீஷா பதிரானா உலக சாதனையை தனதாக்கி கொள்ள முடியும்.

இலங்கை கிரிக்கெட்டில் இன்னொரு மலிங்காவா?... 7 ரன்னுக்கு 6 விக்கெட் கைப்பற்றி மிரட்டல்!

சர்வதேச கிரிக்கெட்டில் வீசப்பட்ட அதிவேகபந்துகள்
161.3 கி.மீ., - சோயிப் அக்தர், 2003 (எதிர்- இங்கிலாந்து)
161.1 கி.மீ., - ஷான் டெயிட், 2010 (எதிர்- இங்கிலாந்து)
161.1 கி.மீ., - பிரட் லீ, 2005 (எதிர்- நியூசிலாந்து)


முதல் முறையல்ல
மதீஷா பதிரானாவின் பெயர் இப்படி உலகளவில் பிரபலமாவது முதல் முறையல்ல. ஏற்கனவே கடந்த செப்டம்பர் 2019இல் நடந்த கல்லூரிகளுக்கு இடையேயான போட்டியில் மதீஷா பதிரானா, 7 ரன்களுக்கு 6 விக்கெட் சாய்த்து அசத்தினார். தவிர, மதீஷா பதிரானாவின் பவுலிங் கிட்டத்தட்ட மலிங்கா போலவே இருக்கும்.