Ind vs SL: டாஸ் வென்றது இலங்கை...XI அணி இதுதான்: ‘2 புதுமுகங்கள்’ தமிழக வீரருக்கு இடம்!

இந்தியா, இலங்கை இடையிலான மூன்று போட்டிகள் கொண்ட டி20 தொடர் இன்று துவங்கியுள்ளது. முதல் போட்டியில் டாஸ் வென்றுள்ள இலங்கை அணி முதலில் பந்துவீச்சைத் தேர்வு செய்துள்ளது.

டாஸ் வென்றப் பிறகு பேசிய இலங்கை கேப்டன் தஷுன் ஷனகா, “நாங்கள் முதலில் பந்துவீச முடிவு செய்துள்ளோம். இரண்டாவது இன்னிங்ஸின்போது ரன்களை குவிக்க ஏற்ற வகையில் மைதானம் ஒத்துழைக்கும் என நம்புகிறோம். அணியில் சிலர் காயம் காரணமாக அவதிப்படுகிறார்கள். இதனால், இரண்டு புதுமுக வீரர்கள் இன்று களமிறங்கவுள்ளனர். யுசுரு உதானா மீண்டும் அணிக்கு திரும்பியுள்ளார்” எனத் தெரிவித்தார்.

அடுத்துப் பேசிய இந்தியக் கேப்டன் ஷிகர் தவன், “நாங்கள் டாஸ் வென்றிருந்தால் முதலில் பந்துவீச்சைத்தான் தேர்வு செய்திருப்போம். பெரிய ஸ்கோர் அடிக்க இந்த மைதானம் ஒத்துழைக்கும் என நம்புகிறோம். டி20 உலகக் கோப்பையை கருத்தில்கொண்டு சில புதுமுக வீரர்களுக்கு வய்ப்பு வழங்க முடிவு செய்யப்பட்டுள்ளது. இத்தொடரில் இவர்கள் சிறப்பாக சோபித்தால், டி20 உலகக் கோப்பையில் இடம் பிடிக்க முடியும். வருண் சக்ரவர்த்தி, பிரித்வி ஷா ஆகிய புதுமுகங்கள் சேர்க்கப்பட்டுள்ளனர்” எனத் தெரிவித்தார்.

இந்திய XI அணி: ஷிகர் தவன் (கேப்டன்), பிரித்வி ஷா, இஷான் கிஷன், சூர்யகுமார் யாதவ், சஞ்சு சாம்சன், சூர்யகுமார் யாதவ், ஹார்திக் பாண்டியா, க்ருனால் பாண்டியா, தீபக் சஹார், புவனேஷ்வர் குமார், யுஜ்வேந்திர சாஹல், வருண் சக்ரவர்த்தி.

இலங்கை XI அணி: அவஷ்கா பெர்ணான்டோ, மினோட் பனுகா, தனஞ்ஜெயா டி சில்வா, சரித் அசலங்கா, தஷுன் ஷனகா (கேப்டன்), அஸ்லன் பன்டாரா, வனிந்து ஹசரங்கா, சமிகா கருனரத்னே, அகிலா தனஞ்ஜெயா, தஷ்மந்தா சமீரா, யுசுரு உதானா.