India vs Australia: கோப்பை எங்களுக்கு, பணம் மட்டும் உங்களுக்கா? : பரிசுத் தொகை தராத ஆஸியை விளாசிய கவாஸ்கர்

ஆஸ்திரேலியாவுக்கு எதிரான ஒருநாள் தொடரை வென்ற இந்திய அணிக்கு வெறும் கோப்பையை மட்டும் கொடுத்து விட்டு, பரிசுத் தொகை ஆஸ்திரேலியாவே வைத்துக் கொள்வது தவறு என இந்திய முன்னாள் கேப்டன் கவாஸ்கர் தெரிவித்துள்ளார்.

ஆஸ்திரேலியா சுற்றுப் பயணம் மேற்கொண்ட இந்திய அணி 3 டி20, 4 டெஸ்ட் போட்டி, 3 ஒருநாள் போட்டிகளில் விளையாடியது. 3 டி20 போட்டி தொடர் இந்தியா, ஆஸ்திரேலியா 1-1 வென்றதால் என சமனில் முடிந்தது.

பின்னர் நடந்த டெஸ்ட் தொடர் 3-1, ஒருநாள் தொடர் 2-1 என வென்று ஆஸ்திரேலியாவை அதன் மண்ணில் முதன் முறையாக வென்று வராலறு படைத்தது.

கவாஸ்கர் விமர்சனம் :
இந்தியா ஒருநாள் தொடரை வென்ற பின் நடந்த பரிசளிப்பு விழாவில் தொடர் நாயகன் தோனிக்கும், ஆட்ட நயாகன் சஹாலுக்கு மட்டும் பரிசுத் தொகை வழங்கப்பட்டது.

ஆனால் கோப்பையை வென்ற இந்திய அணிக்கு பரிசுத் தொகை எதுவும் வழங்கப்படாமல் வெறும் கோப்பை மற்றும் வழங்கப்பட்டது.

இதுகுறித்து விமர்சித்துள்ள கவாஸ்கர், “போட்டியை நடத்திய நிர்வாகத்தினர், போட்டியை ஒளிபரப்பி அதிகளவில் வசூல் செய்துள்ளனர். ஆனால் போட்டியில் வெற்றி பெற்ற இந்திய அணிக்கு ஒரு நல்ல தொகையில் பரிசுத் தொகை வழங்கவில்லை.வெறும் தொடர் நாயகன், ஆட்ட நயாகன் பெற்ற வீரர்களுக்கு மட்டும் பரிசுத் தொகை வழங்கியது தவறு.” என காட்டமாக தெரிவித்துள்ளார்.