TNCA Election: தமிழ்நாடு கிரிக்கெட் சங்க தேர்தல் நடத்த அனுமதி!

இந்திய கிரிக்கெட் போர்டின் (பிசிசிஐ) நிர்வாக கமிட்டி, பிசிசிஐ, தேர்தல் நடத்த வரும் அக்டோபர் 22ம் தேதியும், உள்ளூர் கிரிக்கெட் போர்டுகளின் தேர்தலை நடத்த செப்டம்பர் மாதம் 28ம் தேதியும், திட்டமிட்டது.

மனுதாக்கல்
ஆனால் தமிழக கிரிக்கெட் சங்கத்துக்கு தேர்தல் நடத்துவதற்கு முன்பாக, அதிகபட்ச வயது 70 ஆண்டுகள் மற்றும் அதிகபட்ச பதவிக்காலம் 9 ஆண்டுகள் என பல கோரிக்கைகளை முன்வைத்து சுப்ரீம் கோர்ட்டில் மனு தாக்கல் செய்யப்பட்டிருந்தது.

நீடிக்கும் குழப்பம்
இதற்கிடையில், தமிழ்நாடு கிரிக்கெட் சங்கத்துக்கான தேர்தல் தள்ளிப்போகும் என தெரிகிறது. தேர்தலுக்கு முன்பாக கிரிக்கெட் சங்கதலைவர் கூட்டம் நடத்துவது வழக்கம். இந்நிலையில் தற்போதைய நிலையில் இது சாத்தியமில்லை என்பதால், 40-50 சதவீத உறுப்பினர்கள் சேர்த்து துணை செயலாளரிடம் கோரிக்கை வைக்க வேண்டும். இது போன்ற பல சிக்கல்கள் நீடிப்பதால், தமிழ்நாடு கிரிக்கெட் சங்க தேர்தல் நடத்துவதில் சிக்கல் தொடர்கிறது.

அனுமதி...
இந்நிலையில் இன்று விதிமுறைகளுக்கு உட்பட்டு தமிழ்நாடு கிரிக்கெட் சங்க தேர்தல் நடத்தப்பட வேண்டும் என உச்சநீதிமன்றம் உத்தரவிட்டுள்ளது. தவிர, இந்த தேர்தலின் முடிவுகள் உச்ச நீதிமன்றத்தின் இறுதி உத்தரவுக்கு கட்டுப்பட்டது என்றும் தெரிவித்துள்ளது.