தொடங்கியது டி20 உலக கோப்பை: முதல்போட்டியில் ஜிம்பாப்வே-ஹாங்காங் மோதல்

நாக்பூர்: டி20 உலக கோப்பை தகுதி சுற்று போட்டிகளின் முதல் ஆட்டம், ஜிம்பாப்வே மற்றும் ஹாங்காங் அணிகளுக்கு இடையே நாக்பூரில் சற்று முன்னர் தொடங்கியது.

ஐசிசி உலக கோப்பை போட்டிகளில் தகுதி சுற்று போட்டிகள் இன்று துவங்கியது. தகுதி சுற்று போட்டிகளில் 'பி' பிரிவில் முதல் ஆட்டத்தில் ஜிம்பாப்வே மற்றும் ஹாங்காங் அணிகள் மோதுகின்றன.

இன்றைய ஆட்டத்தில், ஜிம்பாப்வேவிற்கு எதிராக டாஸ் வென்ற ஹாங்காங் அணி பந்துவீச முடிவு செய்துள்ளது. சற்று முன்னர் வரை 4.2 ஓவர்களில், ஜிம்பாப்வே அணி 2 விக்கெட் இழப்புக்கு 38 ரன்கள் எடுத்துள்ளது.

தகுதி சுற்று போட்டிகளில், ஏ மற்றும் பி பிரிவுகளில் முதலிடம் பெறும் அணி, சூப்பர் டென் பிரிவுக்கு தகுதி பெறும். வரும் ஏப்ரல் 3-ஆம் தேதியன்று டி20 உலக கோப்பையின் இறுதி போட்டி கொல்கத்தா ஈடன் கார்டன் மைதானத்தில் நடக்கவுள்ளது.