ஐசிசி டெஸ்ட் ரேங்கிங்: நம்பர்-1 இடத்திலேயே நீடிக்கும் ‘கிங்’ கோலி!

சர்வதேச கிரிக்கெட் அரங்கில் சிறந்து விளங்கும் பேட்ஸ்மேன்களுக்கான ரேங்கிங் (தரவரிசைப்பட்டியல்) பட்டியலை ஐ.சி.சி., வெளியிட்டது. இதில் இந்திய கிரிக்கெட் கேப்டன் விராட் கோலி (928 புள்ளிகள்) நம்பர்-1 இடத்தில் நீடிக்கிறார். ஆஸ்திரேலியா ஸ்டீவ் ஸ்மித் (911) இரண்டாவது இடத்தில் உள்ளார். மற்றொரு ஆஸ்திரேலிய வீரர் மார்னஸ் லபுஷேன் (827) மூன்றாவது இடம் பிடித்தார்.

வில்லியம்சன் பின்னடைவு
நியூசிலாந்தின் கேன் வில்லியம்சன் (814) நான்காவது இடத்துக்கு தள்ளப்பட்டார். ஆஸ்திரேலியாவின் டேவிட் வார்னர் (793) ஐந்தாவது இடத்தில் உள்ளார். புஜாரா (791) ஆறாவது இடத்திலும் ரஹானே (759) ஒன்பதாவது இடத்திலும் உள்னர். மற்ற இந்திய வீரர்கள் யாரும் ‘டாப்-10’ல் இடம் பெறவில்லை.

கம்மின்ஸ் நம்பர்-1
சிறந்த பவுலர்களுக்கான ரேங்கிங்கில் ஆஸ்திரேலிய வேகப்பந்துவீச்சாளர் பாட் கம்மின்ஸ் (904) தனது நம்பர்-1 இடத்தை தக்க வைத்துக்கொண்டார். நியூசிலாந்தின் நீல் வாக்னர் (852), வெஸ்ட் இண்டீஸ் வீரர் ஜேசன் ஹோல்டர் (830) அடுத்த இரண்டு இடங்களில் உள்ளனர்.

இந்திய வேகப் பந்துவீச்சாளர் ஜஸ்பிரீத் பும்ரா (794) 6ஆவது இடத்தில் உள்ளார். அஸ்வின் (772) 9ஆவது இடத்திலும், முகம்மது ஷமி (771) 10ஆவது இடத்திலும் உள்ளனர்.

ஹோல்டர் டாப்
சிறந்த ஆல் ரவுண்டர்கள் பட்டியலில், வெஸ்ட் இண்டீஸ் வீரர் ஜேசன் ஹோல்டர் (473) நம்ப்ர் இடத்தில் உள்ளார். இந்தியாவின் ரவிந்திர ஜடேஜா இரண்டாவது (406) இடத்தில் உள்ளார். இங்கிலாந்தின் பென் ஸ்டோக்ஸ் (395) மூன்றாவது இடத்தில் உள்ளார்.

இந்தியா நம்பர்-1
அணிகளுக்கான டெஸ்ட் தரவரிசையில் இந்திய அணி நம்பர்-1 இடத்தை தக்க வைத்துக்கொண்டது. ஆஸ்திரேலியா (108) இரண்டாவது இடத்துக்கு முன்னேறியது. நியூசிலாந்து (105), தென் ஆப்ரிக்கா (102) அடுத்த இரண்டு இடங்த்தில் உள்ளன. இங்கிலாந்து (102), இலங்கை (92) அடுத்ததடுத்த இடத்தில் உள்ளன.