சுவிட்சர்லாந்தில் இருந்து அனுஷ்கா ஷர்மாவுடன் ஜோடியா புத்தாண்டு வாழ்த்து சொன்ன கிங் கோலி!

வெஸ்ட் இண்டீஸ் அணிக்கு எதிரான ஒருநாள் தொடரை வென்ற நிலையில் இந்திய கிரிக்கெட் அணியின் கேப்டன் விராட் கோலி விடுமுறை நாட்களை தனது மனைவி அனுஷ்கா ஷர்மாவுடன் செலவிட்டு வருகிறார். இந்த ஜோடி கிறிஸ்துமஸை கொண்டாட சுவிட்சர்லாந்து சென்றது.

வைரலாக புகைப்படம்
இதுதொடர்பாக அனுஷ்காவுடன் எடுத்துகொண்ட போட்டோக்களை கோலி தனது இன்ஸ்டாகிராம் பக்கத்தில் சமீபத்தில் பகிர்ந்தார். அந்த போட்டோக்கள் சமூகவலைதளத்தில் வைரலாகின. இந்நிலையில் தற்போது கோலி, அனுஷ்கா சர்மா ஆகியோர் ரசிகர்களுக்கு புத்தாண்டு வாழ்த்துக்கள் தெரிவித்துள்ளனர்.


சிறந்த ஆண்டு
அந்த வீடியோவில் கோலி கூறுகையில், “ஹேய் ரசிகர்களுக்கு முன்னதாகவே புத்தாண்டு வாழ்த்துக்களை தெரிவித்துக்கொள்கிறோம்” என்றார். ஆமாம் அனைவருக்கும் 2019 சிறப்பான ஆண்டாக அமைந்திருக்கும் என நினைக்கிறேன். வரும் 2020 இன்னும் சிறந்த ஆண்டாக அமைய வேண்டும் என பிரார்த்தனை செய்துகொள்கிறேன். அனைவரும் புத்தாண்டு நல்வாழ்த்துக்கள்” என அனுஷ்கா தெரிவித்தார்.