ஸ்டீவ் ஸ்மித் அசத்தல் சதம்... கடைசி நேரத்தில் சுதாரித்த பவுலர்கள்... இந்தியாவுக்கு 287 ரன்கள் இலக்கு!

இந்தியா வந்துள்ள ஆஸ்திரேலிய கிரிக்கெட் அணி, 3 ஒருநாள் போட்டிகள் கொண்ட தொடரில் பங்கேற்கிறது. மும்பையில் நடந்த முதல் போட்டியில் ஆஸ்திரேலிய அணி வென்றது. இரண்டாவது ஒருநாள் போட்டியில் இந்திய அணி வென்றது. இரு அணிகள் மோதும் கடைசி ஒருநாள் போட்டி பெங்களுருவில் நடக்கிறது. இதில் டாஸ் வென்ற ஆஸ்திரேலிய அணி முதலில் பேட்டிங் தேர்வு செய்தது.

சொதப்பல் துவக்கம்
இதையடுத்து களமிறங்கிய ஆஸ்திரேலிய அணிக்கு டேவிட் வார்னர் (3) சொதப்பலான துவக்கம் அளித்தார். மற்றொரு துவக்க வீரர் ஃபிஞ்ச் (19) சொதப்பலாக ரன் அவுட்டாகி வெளியேறினார். பின் இணைந்த ஸ்டீவ் ஸ்மித், லபுஷேன் ஜோடி அணியை சரிவில் இருந்து மீட்டது. இருவரும் இந்திய பவுலர்களை எளிதாக சமாளித்தனர்.

ஸ்மித் சதம்
சீரான இடைவேளையில் பவுண்டரிகள் விளாசிய லபுஷேன் அரைசதம் கடந்தார். மூன்றாவது விக்கெட்டுக்கு 127 ரன்கள் சேர்த்த நிலையில் லபுஷேன் 54 ரன்னில் அவுட்டானார். அடுத்து வந்த ஸ்டார்க் டக் அவுட்டானார். பின் வந்த கேரி (35) ஓரளவு கைகொடுத்தார்.


டர்னர் (4), கம்மின்ஸ் (0) வந்த வேகத்தில் பெவிலியன் திரும்பினர். ஒருபுறம் விக்கெட் சரிந்தாலும் மறுபுறம் சிறப்பான ஆட்டத்தை வெளிப்படுத்திய ஸ்டீவ் ஸ்மித் (131) ஒருநாள் அரங்கில் 9ஆவது சதத்தை பூர்த்தி செய்தார். இதையடுத்து ஆஸ்திரேலிய அணி 50 ஓவரில் 9 விக்கெட்டுக்கு ரன்கள் எடுத்தது.

ஷமி 200
இப்போட்டியில் 4 விக்கெட்டுக்கு 4 விக்கெட் வீழ்த்திய இந்திய வேகப்பந்துவீச்சாளர் முகம்மது ஷமி , லிஸ்ட் ஏ கிரிக்கெட்டில் தனது 200ஆவது விக்கெட்டை பதிவு செய்து அசத்தினார்.