Azharuddin Son Wedding: முன்னாள் கிரிக்கெட் கேப்டன் மகனுக்கும், சானியா மிர்சா சகோதரிக்கும் சீக்கிரமே டும் டும் டும்!

இந்தியாவின் பிரபல டென்னிஸ் வீராங்கனையாக இருப்பவர் சானியா மிர்சா. இவரது சகோதரி அனம் மிஸ்ராவிற்கு கடந்தாண்டு விவாகரத்து ஆனது.

இந்நிலையில் முன்னாள் கிரிக்கெட் கேப்டன் அசாருதீன் மகன் அஸாத் உடன், அனம் மிஸ்ராவுக்கும் நடப்பாண்டின் இறுதியில் திருமணம் நடைபெற உள்ளதாக தகவல் வெளியாகியுள்ளது.

சமீபத்தில் அஸாத்தின் இன்ஸ்டாகிராம் பக்கத்தில் அனம் மிஸ்ராவுடன் ஜோடியாக இருக்கும் புகைப்படங்கள் வெளியிடப்பட்டன. இதன்மூலம் இருவருக்குமான நெருக்கம் வெளியுலகிற்கு தெரிய வந்துள்ளது.

சர்வதேச டென்னிஸ் உலகில் முன்னணி வீராங்கனையாக விளங்கும் சானியா மிர்சா மற்றும் சோயப் மாலிக் தம்பதிக்கு சமீபத்தில் ஆண் குழந்தை பிறந்தது குறிப்பிடத்தக்கது. கிரிக்கெட்டில் இருந்து ஓய்வு பெற்ற அசாருதீன், அரசியலில் தீவிரம் காட்டி வருகிறார்.

தற்போது தெலுங்கானா மாநிலத்தின் காங்கிரஸ் செயல் தலைவராக பணியாற்றிக் கொண்டிருக்கிறார்.