மருத்துவ சிகிச்சையில் இருப்பதால், டூ பிளஸி இன்னும் சென்னை சூப்பர் கிங்ஸ் அணியில் இணையவில்லை. சிஎஸ்கே வரும் 19ஆம் தேதி அன்று மும்பை இந்தியன்ஸ் அணியை எதிர்கொள்ளவுள்ள நிலையில், டூ பிளஸி இப்போட்டியில் பங்கேற்க மாட்டார் எனத் தெரிகிறது. மேலும், தொடரிலிருந்து விலகவும் வாய்ப்புள்ளதால், இவருக்கு மாற்றாக புதிய வீரரை களமிறக்க வேண்டிய நெருக்கடிக்கு சிஎஸ்கே தள்ளப்பட்டுள்ளது. இவருக்கு மாற்றாக இருக்கும் 3 வீரர்கள் குறித்து தற்போது பார்ப்போம்.
IPL 2021: கடந்த ஆண்டு 8.5 கோடிக்கு ஏலம் எடுக்கபட்டவர்…இந்தாண்டு நெட் பௌலர்…‘பெரிய கொடுமை’!
ராபின் உத்தப்பா:
ஐபிஎல் 13ஆவது சீசனின் ராஜஸ்தான் ராயல்ஸ் அணிக்காக விளையாடிய இவர், ரன்களை குவிக்க தவறியதால் அணியிலிருந்து கழற்றிவிடப்பட்டார். இவரை சிஎஸ்கே ஏலம் எடுத்தது. ஓபனர்கள் டூ பிஸசி, ருதுராஜ் கெய்க்வாட் சிறப்பாக விளையாடியதால், 14ஆவது சீசனின் முதல் பாதி ஆட்டங்களில் இவர் களமிறக்கப்படவில்லை. டூ பிஸிசி களமிறக்கப்படவில்லை என்றால், இவர் ஓபனராக களமிறங்க அதிக வாய்ப்புள்ளது.
ஜெகதீசன்:
தமிழக வீரர் ஜெகதீசன், சென்னை சூப்பர் கிங்ஸ் அணியில் நீண்ட காலமாக இருந்து வருகிறார். இருப்பினும், அவ்வபோது மட்டுமே வாய்ப்பு கிடைக்கிறது. மொத்தம் 5 போட்டிகளில் களிமறங்கி 2 இன்னிங்ஸில் மட்டுமே பேட்டிங் செய்திருக்கிறார். இவரது அதிகபட்சம் 33 ரன்கள் ஆகும். டூ பிளஸிக்கான மாற்று வீரர்கள் போட்டியில் இவரும் இருக்கிறார்.
ஹரி நிஷாந்த்:
இடது கை பேட்ஸ்மேனான இவர் சமீபத்தில் நடந்து முடிந்த டிஎன்பிஎல் தொடரில் சிறப்பாக விளையாடியிருந்தார். நல்ல பார்மில் இருக்கிறார். இவர் இதுவரை ஒருபோட்டியில் களமிறக்கப்படவில்லை. சுழலுக்கு எதிராக சிறப்பாக விளையாடுவார் என்பதால், டூ பிளஸிக்கான மாற்று வீரர் போட்டியில் இவரும் நிச்சயம் இருப்பார் எனக் கருதப்படுகிறது. தற்போது நல்ல பார்மில் இருக்கிறார், நிர்வாகம் இதனை கருத்தில்கொண்டு முடிவெடுக்கும் எனத் தெரிகிறது.