தோனியைப் போல கோலியிடம் உள்ள தனித்திறமை இதுதான் - ஹசி விளக்கம்

தோனியைப் போலவே கோலியும் தனது கேப்டன் பொறுப்பை மிக சிறப்பாக செய்வதாக ஆஸ்திரேலிய முன்னாள் வீரர் மைக் ஹசி தெரிவித்துள்ளார்.

ஹசி பேசியதாவது:
இந்திய அணியின் விராட் கோலி மிகச்சிறப்பாக அணியை வழி நடத்துகிறார். இவரை பார்க்க ஆஸ்திரேலியாவின் ரிக்கி பாண்டிங்கை பார்ப்பது போலவே உள்ளது. பாண்டிங்கிடம் எப்போதும் அணியை வெற்றியின் பக்கம் கொண்டு செல்லவேண்டும் என்ற ஒரு வேட்கை இருக்கும். அதை கோலியிடமும் பார்க்கின்றேன்.

தோனிக்கு அடுத்து பொறுப்பேற்றுள்ள கோலி, அவரின் இடத்தை பூர்த்தி செய்வது சிரமம். இருப்பினும் தோனியைப் போலவே, கோலி தன் அணியை எப்படி வெற்றிக்கு கொண்டு செல்ல துடிப்பாக செயல்படுகிறார். கோலி தன் பலமான ஆளுமை மீது மிகவும் நம்பிக்கையுடன் இருக்கிறார்.

வலுவான இந்திய அணி:
தற்போதுள்ள இந்திய அணி மிக வலுவாக உள்ளது. இதை இந்திய அணியின் பொற்காலம் என சொல்லலாம். கோலியின் இந்த தொடர் வெற்றி, இங்கிலாந்து, ஆஸ்திரேலியா, தென் ஆப்ரிக்கா போன்ற முன்னனி கிரிக்கெட் அணியின் கேப்ட்னகளுக்கு நெருக்கடி ஏற்படுத்தத்தான் செய்யும் என தெரிவித்துள்ளார்.