இரண்டு வருஷத்துல இரண்டாவது முறையாக கோலி ‘முட்டை’!

சென்னை: ஆஸ்திரேலிய அணிக்கு எதிரான முதல் ஒருநாள் போட்டியில், இந்திய கேப்டன் கோலி, ‘டக்’ அவுட்டானார். இதன் மூலம் கடந்த இரண்டு வருடத்தில் இரண்டாவது முறையாக ‘டக்’ அவுட்டானார்.

இந்தியா வந்துள்ள ஆஸ்திரேலியா அணி 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. முதல் ஒருநாள் போட்டி, இன்று சென்னையில் துவங்கியது. இதில் ‘டாஸ்’ வென்ற இந்திய கேப்டன் விராட் கோலி முதலில் ‘பேட்டிங்’ தேர்வு செய்தார்.

இதையடுத்து களமிறங்கிய இந்திய அணிக்கு கேப்டன் கோலி, மேக்ஸ்வெலின் மிரட்டலான கேட்சில் ‘டக்’ அவுட்டானார். இதன் மூலம் இந்த ஆண்டில் இரண்டாவது முறையாக ஒருநாள் அரங்கில் கோலி ’டக்’ அவுட்டாகி அதிர்ச்சி அளித்தார்.

தவிர, கடந்த 19 இன்னிங்சில் முதல் முறையாக கோலி, ‘டக்’ அவுட்டானார். கடைசியாக இங்கிலாந்தில் நடந்த சாம்பியன்ஸ் டிராபி கிரிக்கெட் தொடரில் இலங்கை அணிக்கு எதிரான லீக் போட்டியில் கோலி ’டக்’ அவுட்டானர்.

* கடந்த 30 இன்னிங்சில் சுமார் இரண்டு ஆண்டுகளில் (2015, 2016) இரண்டாவது முறையாக கோலி ‘டக்’ அவுட்டானார்.