இந்த விதிமுறை தற்போது மாற்றம் கண்டுள்ளது. நோபாலுக்கு ஒரு ரன் கொடுக்கப்படுவது மட்டுமல்லாமல், அடுத்த பந்து ஃபிரீ ஹிட்டாகவும் அறிவிக்கப்படுகிறது. இதனால், பௌலர்கள் முடிந்தவரை நோபால் வீசுவதை தவிர்த்து வருகிறார்கள். சில பௌலர்கள் ஒருமுறை கூட நோபால் வீசியது கிடையாது. அவர்களில் டாப் 3 வீரர்கள் குறித்துதான் தற்போது பார்க்கவுள்ளோம்.
3.இம்ரான் கான்
பாகிஸ்தான் அணியின் தலைசிறந்த பௌலர்களில் இம்ரான் கானும் ஒருவர். இவரது தலைமையில் பாகிஸ்தான் அணி, 1992ஆம் ஆண்டு உலகக் கோப்பையை கைப்பற்றி அசத்தியது. ரிவர்ஸ் ஸ்விங் வீசுவதில் வல்லவரான இவர், மொத்தம் 88 டெஸ்ட், 125 ஒருநாள் போட்டிகளில் பங்கேற்றுள்ளார். ஒருமுறைகூட நோபால் வீசியது கிடையாது.
2.டென்னிஸ் லில்லி
1971 முதல் 1984ஆம் ஆண்டுவரை சர்வதேச கிரிக்கெட்டில் விளையாடிய, ஆஸ்திரேலிய அணி முன்னாள் வேகப்பந்து வீச்சாளர் டென்னிஸ் லில்லி, அவரது காலகட்டத்தில் தலைசிறந்த பௌலராக திகழ்ந்தார். மொத்தம் 70 டெஸ்ட், 63 ஒருநாள் கிரிக்கெட் போட்டிகளில் பங்கேற்ற இவர், ஒருமுறைகூட நோபால் வீசியது கிடையாது.
1.கபில் தேவ்
1983ஆம் ஆண்டு நடைபெற்ற உலகக் கோப்பையில், கபில் தேவ் தலைமையிலான இந்திய அணி அபாரமாகச் செயல்பட்டு முதல்முறையாக உலகக் கோப்பை வென்று அசத்தியது. மொத்தம் 131 டெஸ்ட், 225 ஒருநாள் போட்டிகளில் விளையாடிய கபில் தேவ், ஒருமுறைகூட நோபால் வீசியது கிடையாது. ஒவ்வொரு போட்டியிலும் சிறப்பாகப் பந்துவீசி, உலகின் தலைசிறந்த பௌலராக திகழ்ந்தார் என்பது குறிப்பிடத்தக்கது.