வெ.இ அணியை ஒட்டுமொத்தமாக ஓரம்கட்டிய தோனி!

ட்ரினிடாட் : வெஸ்ட் இண்டீஸ் அணி ஒட்டு மொத்த வீரர்களின் அனுபவம் கூட தல தோனிக்கு ஈடாகவில்லை.

வெஸ்ட் இண்டீஸ் அணிக்கு சுற்றுப்பயணம் மேற்கொண்டுள்ள இந்திய அணி 5 ஒருநாள், ஒரு டி20 கிரிக்கெட் போட்டியில் விளையாட உள்ளது. இதன் முதல் ஒரு நாள் போட்டி இன்று தொடங்கியது.

இந்த போட்டியில் விளையாடும் வெஸ்ட் இண்டீஸ் அணியின் 11 வீரர்களின் ஒட்டு மொத்த அனுபவம் கூட, இந்தியாவின் தல தோனியின் அனுபவத்திற்கு அருகில் கூட வர இயலவில்லை.

ஆம், விண்டீஸ் அணியின் கேப்டன் ஜெய்சன் ஹோல்டர் தான் அதிகபட்சமாக 58 ஒரு நாள் போட்டிகளில் விளையாடியுள்ளார். அவரை தொடர்ந்து கிரண் பவுல் 37 போட்டிகளில் விளையாடியுள்ளார். மற்ற வீரர்கள் சொர்ப அளவில் மட்டும் விளையாடியுள்ளனர்.



இந்த அணி வீரர்கள் விளையாடி போட்டிகளை ஒட்டு மொத்தமாக கூட்டானால் கூட 207 போட்டிகள் என்று தான் வருகின்றது. இந்த வீரர்கள் அனைவரும் இணைந்து ஒட்டு மொத்தமாக 3,536 ஒரு நாள் போட்டி ரன்கள் அடித்துள்ளனர்.



ஆனால் தல தோனியே 291 போட்டிகளில் விளையாடிய அனுபவம் பெற்றுள்ளார். தோனியை விட யுவராஜ் சிங் இன்று 301வது போட்டியில் விளையாடி வருகின்றார்.

இன்று இடம் பெற்றுள்ள இந்திய அணியின் வீரர்களின் ஒட்டு மொத்தமாக 1,199 போட்டிகளில் பங்கேற்றுள்ளனர். இவர்கள் அனைவரும் இணைந்து 33,391 ரன்கள் அடித்துள்ளனர்.