நோண்டி நொங்கெடுத்த நெட்டிசன்கள்! அசிங்கப்பட்ட பாகிஸ்தான் பேட்ஸ்மேன்!

மேட்ச் பிக்சிங் புகாரில் சிக்கியுள்ள பாகிஸ்தான் கிரிக்கெட் வீரர் உமர் அக்மலை நெட்டிசன்கள் கண்டபடி நோண்டி நொங்கெடுத்துவிட்டனர்.

பிஎஸ்எல் கிரிக்கெட் தொடரில் மேட்ச் பிக்ஸிங்கில் ஈடுபட்டதாக பாகிஸ்தான் பேட்ஸ்மேன் உமர் அக்மல் மற்றும் முகமது ஷமி ஆகியோர் மீது குற்றம்சாட்டு எழுந்துள்ளது. பாகிஸ்தான் கிரிக்கெட் வாரியம் மூலம் இது தொடர்பாக விசாரணை நடத்தப்பட இருப்பதாகவும் தகவல்கள் வெளியாகின.

இச்சூழலில், உமர் அக்மல் பெண்ட்லி ஆடம்பர காருடன் இருப்பது போன்ற போட்டோ ஒன்றை தனது ட்விட்டர் பக்கத்தில் பகிர்ந்துள்ளார். கடுமையான உழைப்பிற்குப் பிறகு, லண்டனில் ஓய்வெடுப்பதாகவும் அந்த பதிவில் கூறியுள்ளார்.

இதைப்ப பார்த்து கடுப்பான பாகிஸ்தான் கிரிக்கெட் ரசிகர்கள், இந்த கார் மேட்ச் பிக்ஸிங் செய்து வந்த பணத்தில் வாங்கியதா?, பெண்ட்லி கார் வாங்க பணம் எப்படி வந்தது?, யாரோ ஒருவரின் காருக்கு அருகில் நின்று போஸ் கொடுத்தால் நம்பிவிடுவோமா? என்று சரமாரியாக திட்டித்தீர்க்கின்றனர்.
Enjoying London after hard work pic.twitter.com/N6U05mgAse — Umar Akmal (@Umar96Akmal) July 13, 2017 ரொம்ப கோபத்தில் இருந்த நெட்டிசன் ஒருவர், உங்க கிரிக்கெட் வாழ்க்கை கிட்டத்தட்ட முடிந்துவிட்டது என்றும் வாடகைக் கார் ஓட்டி பிழைத்துக்கொள்ளுங்கள் என்றும் அசிங்கப்படுத்திவிட்டார்.