என்னா வெயில்... சூடு தாங்காமல் வெளியேறிய ஷமி!

செஞ்சுரியன்: தென் ஆப்ரிக்க அணிக்கு எதிரான இரண்டாவது டெஸ்டின் போது வெளியின் வெப்பத்தால் ஏற்பட்ட தலைவலி காரணமாக முகமது ஷமி வெளியேறினார். ஆனால் சிறிது நேரத்துக்கு பின் மீண்டும் களமிறங்கினார்.

தென் ஆப்ரிக்கா சென்றுள்ள இந்திய அணி, முதலில் 3 டெஸ்ட் போட்டிகள் கொண்ட தொடரில் பங்கேற்கிறது. முதல் டெஸ்டில் தென் ஆப்ரிக்கா வென்றது.

இரு அணிகள் மோதும் இரண்டாவது டெஸ்ட் போட்டி செஞ்சுரியனில் இன்று துவங்கியது. இதில் ‘டாஸ்’ வென்ற தென் ஆப்ரிக்க கேப்டன் டுபிளசி, முதலில் ‘பேட்டிங்’ தேர்வு செய்தார்.

இதையடுத்து களமிறங்கிய தென் ஆப்ரிக்க அணிக்கு துவக்க வீரர் மார்க்ராம் (94), ஆம்லா ஆகியோர் அரைசதம் விளாச, தென் ஆப்ரிக்க அணி முதல் நாள் தேனீர் இடைவேளைக்கு பின் முதல் இன்னிங்சில் 3 விக்கெட்டுக்கு 236 ரன்கள் எடுத்துள்ளது.

இந்நிலையில் போட்டின் நடுவே, இந்திய வேகப்பந்து வீச்சாளர் முகமது ஷமி, செஞ்சுரியனில் நிலவிய அதிக வெப்பம் காரணமாக ஏற்பட்ட தலைவலி காரணமாக பெவிலியன் திரும்பினார். பின் சிறிது நேர ஓய்வுக்கு பின் ஷமி மீண்டும் களமிறங்கி பவுலிங் செய்தார்.