டெஸ்ட் கிரிக்கெட் : பாகிஸ்தானை வீழ்த்தியது இங்கிலாந்து அணி

பிர்மிங்ஹாம் : இங்கிலாந்து சென்றுள்ள பாகிஸ்தான் அணி 4 போட்டிகள் கொண்ட டெஸ்ட் தொடரில் பங்கேற்கிறது. முதல் இரண்டு டெஸ்ட் முடிவில், இரு அணிகளும் தலா ஒரு போட்டியில் வென்றுள்ளது. இரு அணிகள் மோதும் மூன்றாவது டெஸ்ட், பர்மிங்ஹாமில் நடக்கிறது. இதன் முதல் இன்னிங்சில், இங்கிலாந்து 297 ரன்கள், பாகிஸ்தான் அணி 400 ரன்கள் குவித்தது.

103 ரன்கள் பின் தங்கி இருந்த நிலையில் 2-வது இன்னிங்சை தொடங்கிய இங்கிலாந்து அணிக்கு குக் 66, ஹேல்ஸ் 54, ஜோ ரூட் 62, பாரிஸ்டோவ் 88, மோயின் அலி 86 என ரன்கள் குவிக்க, இங்கிலாந்து அணி 6 விக்கெட் இழப்பிற்கு 445 ரன்கள் எடுத்து டிக்லெர் செய்தது.

343 ரன்கள் என்ற இலக்குடன் 2வது இன்னிங்ஸை தொடங்கிய பாகிஸ்தான் அணி சமி அஸ்லாம் 70 ரன்கள் எடுத்தார். மற்ற வீரர்கள் சொதப்பியதால், அனைத்து விக்கெட்டுகளையும் இழந்து 201 ரன்கள் மட்டுமே எடுக்க முடிந்தது.

இங்கிலாந்து அணியின் சார்பாக ஆன்டர்சன், ஸ்டூவர் பிராட், வோக்ஸ், ஃபின், மோயின் அலி தலா 2 விக்கெட்டுகளை சாய்த்தனர்.

இதனால் இங்கிலாந்து அணி 141 ரன்கள் வித்தியாசத்தில் அபார வெற்றி பெற்றது. பேட்டிங், பவுலிங் என இரண்டிலும் அசத்திய மோயின் அலிக்கு ஆட்ட நாயகன் விருது வழங்கப்பட்டது.