விஜய் ஹசாரே கோப்பை வென்று அசத்தியது தமிழகம்

புதுடெல்லி : தமிழகம் - மேற்கு வங்கம் அணிகள் பங்கேற்ற விஜய் ஹசாரே கிரிக்கெட் இறுதிப் போட்டியில், தமிழகம் 37 ரன்கள் வித்தியாசத்தில் அபாரமாக வெற்றி பெற்றுள்ளது.

கடந்த பிப்ரவரி 25ம் தேதி தொடங்கிய விஜய் ஹசாரே கோப்பை கிரிக்கெட் போட்டியில் மொத்தம் 28 அணிகள் 7 அணிகள் வீதம் 4 குழுவாக பிரிக்கப்பட்டு போட்டிகள் விறுவிறுப்பாக நடைப்பெற்றது.

இந்த போட்டியின் இறுதிப்போட்டின் இன்று டெல்லியின் பெரோசா கோட்லா மைதானத்தில் நடைப்பெற்றது. இதில் டாஸ் வென்ற தமிழக அணி முதலில் பேட்டிங் தேர்வு செய்தது.
முதலில் பேட்டிங் செய்த தமிழக அணி, விக்கெட் கீப்பர் தினேஷ் கார்த்திக்கின் அபார சதத்தால் (112 ரன்) 217 ரன்களை எடுத்தது. மற்ற வீரர்கள் சொதப்பினர்.



பெங்கால் அணியின் கனிஷ்க் செந்த் 3 விக்கெட்டுகளை கைப்பற்றினார்.

அசத்திய தமிழகம்:
தொடர்ந்து பேட்டிங் செய்த பெங்கால் அணிக்கு சுதிப் சட்டர்ஜி மட்டும் 58 ரன்கள் எடுத்தார். மற்ற வீரர்கள் சோபிக்க தவறினர். இதன் காரணமாக 45.5 ஓவரில் அனைத்து விக்கெட்டுகளையும் இழந்து 180 ரன்களை மட்டுமே எடுத்தது.

இதன் காரணமாக தமிழக அணி 37 ரன்கள் வித்தியாசத்தில் வெற்றி பெற்று கோப்பையை கைப்பற்றியது.