சச்சினுடன் போட்டியிடும் நெருங்கிய நண்பர்

சச்சின் டெண்டுல்கரை பற்றி அவரது நண்பரான வினோத் காம்ளியும் பாடல் ஒன்றை பாடியுள்ளார்.

இந்திய கிரிக்கெட் ஜாம்பவான் சச்சின் டெண்டுல்கர் பாலிவுட் பாடகர் சோனு நிகாமும் இணைந்து பாடல் ஒன்றைப் பாடியுள்ளார். சச்சின் குரல் ஒலிக்கும் இந்தப் பாடலின் வீடியோ வெளியாகி வைரலாக பரவிக்கொண்டிருக்கிறது. ஒரு நிமிடம் மட்டுமே நீடிக்கும் இப்பாடல் கிரிக்கெட் பற்றிய பாடல் ஆகும்.

பாடகராக புதுமுகம் காட்டிய சச்சினைப் போல அவரது நண்பரும் முன்னாள் இந்திய கிரிக்கெட் வீரருமான வினோத் காம்ப்ளியும் தன் குரலில் ஒரு பாடலை பாடியுள்ளார்.

காம்ளி பாடிய அந்த பாடல் மராத்தி மொழியில் அமைந்துள்ளது. ’ஆஷா மீ... மீ ஆஷா’ என்று தொடங்கும் அந்த ராப் பாடல் விரைவில் வெளியாக இருக்கிறது. அப்பாடல் பற்றி கூறிய காம்ளி, ‘சச்சின் பாடியது கிரிக்கெட் பற்றிய பாடல். நான் பாடியது என் வாழ்க்கை பற்றிய பாடல்’ என்று தெரிவித்துள்ளார்.