மீண்டும் விளம்பரத்துக்காக ஜோடி சேர்ந்த கோலி-அனுஷ்கா!

புதுடெல்லி: இந்திய கிரிக்கெட் கேப்டன் விராட் கோலி-அனுஷ்கா அகியோர் விளம்பரத்துக்காக மீண்டும் ஜோடி சேர்ந்துள்ளனர்.

இந்தியா வந்துள்ள ஆஸ்திரேலியா அணி இந்திய அணிக்கு எதிராக 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. இந்தியா, ஆஸ்திரேலியா அணிகள் மோதும் முதல் ஒருநாள் போட்டி, வரும் 17ல் சென்னையில் துவங்கவுள்ளது. இலங்கை தொடருக்கு பின் தற்போது இந்திய அணி வீரர்கள் சிறு ஓய்வில் உள்ளனர்.

இந்நிலையில், இந்திய கிரிக்கெட் கேப்டன் விராட் கோலி, பாலிவுட் நடிகை அனுஷ்கா சர்மா ஆகியோர் நீண்ட காலமாக காதலித்து வரும் விஷயம் அனைவருக்கும் தெரிந்ததே. இவர்கள் இருவரும் சேர்ந்து தற்போது விளம்பரம் ஒன்றில் நடித்துள்ளனர்.

இதை இவர்கள் அதிகாரப்பூர்வமாக அறிவிக்கவில்லை. ஆனால் பிலிம் பேர் தனது அதிகாரப்பூர்வ இன்ஸ்டாகிராம் பக்கத்தில் தெரிவித்துள்ளது. கடந்த 2013ல் ஷாம்பு விளம்பரத்தில், நடித்த பின் தான் கோலி, அனுஷ்கா ஆகியோரிடம் காதல் மலர்ந்தது. இதன்பின் இருவரும் சேர்ந்து நடிக்கும் முதல் விளம்பரம் இதுவாகும். இவர்கள் எந்த விளம்பரத்தில் நடித்தார்கள் என்பது குறிப்பிடப்படவில்லை.

ஆனால், பண்டிகை நெருங்குவதால், ஆடை குறித்த விளம்பரமாக இருக்கலாம் என நெருங்கிய வட்டாரங்கள் தெரிவிக்கின்றன.

Indian skipper Virat Kohli is one of the most followed celebrities in the world. The 28-year old is amongst the top sportsmen in commercial engagements as well.