கோலியின் புதிய ஜோடி அலியா பட்!

பாலிவுட் நடிகை அலியா பட்டோடு ஜியோனி மொபைல் நிறுவன விளம்பரத்தில் நடிக்கிறார் விராத் கோலி.

இந்திய கிரிக்கெட் அணியின் கேப்டன் விராத் கோலிக்கும் பாலிவுட் நடிகை அனுஷ்கா சர்மாவுக்கும் நீண்ட காலமாக பழக்கம் இருப்பது அனைவருக்கும் தெரிந்ததே. இங்கிலாந்துடன் டெஸ்ட் தொடரை முடித்த கையோடு கிடைத்த ஓய்வு நாட்களில் அனுஷ்காவுடன் உத்தரகாண்ட் மாநிலத்தில் உலா வந்தார்.

இந்நிலையில், ஜியோனி மொபைல் நிறுவனத்தின் புதிய விளம்பரத் தூதுவராக இணைந்துள்ள விராத் கோலி தனக்கு இன்னொரு ஜோடியும் பிடித்திருக்கிறார். இந்த ஒப்பந்தத்தின் மூலம் கோலியும் அலியாவும் ஜியோனியின் விளம்பரத்தில் சேர்ந்து நடிக்கும் சந்தர்ப்பம் அமைந்துள்ளது. இது கோலி-அலியா ஜோடியின் ஆரம்பமாக இருக்கலாம் என்று பாலிவுட்டில் இப்போதே பேசத்தொடங்கிவிட்டார்கள்.