‘தல’ தோனியின் உலக சாதனையை காலி பண்ண ‘கிங்’ கோலி!

இந்தியா வந்துள்ள ஆஸ்திரேலிய கிரிக்கெட் அணி, 3 ஒருநாள் போட்டிகள் கொண்ட தொடரில் பங்கேற்கிறது. மும்பையில் நடந்த முதல் போட்டியில் ஆஸ்திரேலிய அணி வென்றது. இரண்டாவது ஒருநாள் போட்டியில் இந்திய அணி வென்றது. இரு அணிகள் மோதும் கடைசி ஒருநாள் போட்டி பெங்களுருவில் நடக்கிறது. இதில் டாஸ் வென்ற ஆஸ்திரேலிய அணி முதலில் பேட்டிங் தேர்வு செய்தது.

ஸ்மித் சதம்
இதையடுத்து களமிறங்கிய ஆஸ்திரேலிய அணிக்கு ஸ்டீவ் ஸ்மித் (131) சதம் அடித்து கைகொடுக்க, ஆஸ்திரேலிய அணி 50 ஓவரில் 9 விக்கெட்டுக்கு 286 ரன்கள் எடுத்தது. இப்போட்டியில் இந்திய கேப்டன் விராட் கோலி 16 ரன்கள் அடித்த போது, சர்வதேச ஒருநாள் கிரிக்கெட்டில் கேப்டனாக 5000 ரன்கள் என்ற மைல்கல்லை எட்டினார்.

தோனி சாதனை
இதன் மூலம் சர்வதேச ஒருநாள் கிரிக்கெட்டில் கேப்டனாக அதிவேகமாக 5000 ரன்களை எட்டிய வீரர்கள் பட்டியலில் முன்னாள் கேப்டன் தோனியை (127 இன்னிங்ஸ்) கோலி பின்னுக்கு தள்ளி முதலிடம் பிடித்தார். கோலி தனது 82ஆவது இன்னிங்சில் இம்மைல்கல்லை எட்டியுள்ளார்.

கோலி ‘5000’
தவிர, இம்மைல்கல்லை எட்டிய எட்டாவது கேப்டன் என்ற பெருமை பெற்றார் கோலி. இப்பட்டியலில் கோலி, தோனி ஆகியோரை தொடர்ந்து முன்னாள் கேப்டன்களான ஆஸ்திரேலியாவின் ரிக்கி பாண்டிங் (131 இன்னிங்ஸ்), தென் ஆப்ரிக்காவின் கிரேம் ஸ்மித் (135 இன்னிங்ஸ்), இந்தியாவின் சவுரவ் கங்குலி (136 இன்னிங்ஸ்) ஆகியோர் அடுத்த மூன்று இடங்களில் உள்ளனர்.


கேப்டனாக குறைந்த இன்னிங்சில் 5000 ரன்களை எட்டிய வீரர்கள் பட்டியல்
விராட் கோலி (இந்தியா) - 82 இன்னிங்ஸ்
தோனி (இந்தியா) - 127 இன்னிங்ஸ்
ரிக்கி பாண்டிங் (ஆஸி) - 131 இன்னிங்ஸ்
கிரேம் ஸ்மித் (தென் ஆப்ரிக்கா) - 135 இன்னிங்ஸ்
சவுரவ் கங்குலி (இந்தியா) - 136 இன்னிங்ஸ்