ஐசிசி டெஸ்ட் ரேங்கிங்: டெஸ்டில் கெத்து காட்டிய டாப் கோலி...!

சர்வதேச அரங்கில் சிறந்து விளங்கும் அணிகளுக்கான ரேங்கிங் (தரவரிசைப்பட்டியல்) பட்டியலை ஐ.சி.சி., வெளியிட்டது. இதில் டெஸ்ட் தரவரிசையில் இந்திய அணி ‘நம்பர்-1’ இடத்தை தக்க வைத்துக்கொண்டது.

நியூசிலாந்து (112 புள்ளி), தென் ஆப்ரிக்கா (102) அடுத்த இரண்டு இடங்த்தில் உள்ளன. ஆஸ்திரேலியா (102), இங்கிலாந்து (102), இலங்கை (92) அடுத்ததடுத்த இடத்தில் உள்ளன.

கோலி டாப்
சிறந்த பேட்ஸ்மேன்களுக்கான ரேங்கிங்கில் இந்திய பேட்ஸ்மேன் விராட் கோலி (928) ‘நம்பர்-1’ இடத்தில் நீடிக்கிறார். ஆஸ்திரேலியா ஸ்டீவ் ஸ்மித் (911) இரண்டாவது இடத்தில் உள்ளார். நியூசிலாந்தின் கேன் வில்லியம்சன் (864) மூன்றாவது இடத்தில் உள்ளார்.

புஜாரா (791) நான்காவது இடத்திலும் ரஹானே (759) ஏழாவது இடத்திலும் உள்ளார். மற்ற இந்திய வீரர்கள் யாரும் ‘டாப்-10’ல் இடம் பெறவில்லை.

கம்மின்ஸ் நம்பர்-1
சிறந்த பவுலர்களுக்கான ரேங்கிங்கில் ஆஸ்திரேலிய வேகப்பந்துவீச்சாளர் பாட் கம்மின்ஸ் (898) தனது நம்பர்-1 இடத்தை தக்க வைத்துக்கொண்டார். தென் ஆப்ரிக்காவின் காகிசோ ரபாடா (839), நியூசிலாந்தின் நீல் வாக்னர் (834) அடுத்த இரண்டு இடங்களில் உள்ளனர்.

இந்திய வேகப் பந்துவீச்சாளர் ஜஸ்பிரீத் பும்ரா (794) 6ஆவது இடத்தில் உள்ளார். அஸ்வின் (772) 11ஆவது இடத்திலும், முகம்மது ஷமி (771) 12ஆவது இடத்திலும் உள்ளனர்.

ஹோல்டர் டாப்
சிறந்த ஆல் ரவுண்டர்கள் பட்டியலில், வெஸ்ட் இண்டீஸ் வீரர் ஜேசன் ஹோல்டர் (473) நம்ப்ர் இடத்தில் உள்ளார். இந்தியாவின் ரவிந்திர ஜடேஜா இரண்டாவது (406) இடத்தில் உள்ளார். இங்கிலாந்தின் பென் ஸ்டோக்ஸ் (381) மூன்றாவது இடத்தில் உள்ளார்.