ஹாணர்ஸ் போர்டில் இடம்பிடித்த விராட் கோலி

இங்கிலாந்து அணிக்கு எதிரான மூன்றாவது டெஸ்ட் கிரிக்கெட் போட்டியில் சதமடித்த விராட் கோலி ஹாணர்ஸ் போர்டில் இடம்பிடித்துள்ளார்.

இங்கிலாந்தில் சுற்றுப்பயணம் மேற்கொண்டுள்ள இந்திய அணி 5 போட்கள் கொண்ட டெஸ்ட் தொடரில் விளையாடுகிறது. இத்தொடரின் முதல் இரு போட்டிகளில் இங்கிலாந்து அணி வென்ற இந்நிலையில் மூன்றாவது போட்டி நாட்டிங்காமில் கடந்த சனிக்கிழமை தொடங்கியது.

இதில் இந்திய அணி 203 ரன்கள் வித்தியாசத்தில் வென்றது. முதல் இரண்டு போட்டிகளில் சந்தித்த தோல்வியிலிருந்தும் மீண்டு வந்துள்ளது. இப்போட்டியின் முதல் இன்னிங்சில் 97 ரன்களில் ஆட்டமிழந்த இந்திய அணியின் கேப்டன் விராட் கோலி 2வது இன்னிங்சில் சதத்தை பூர்த்தி செய்து 103 ரன்கள் எடுத்தார்.

இதன் மூலம் ட்ரெண்ட் பிரிட்ஜ் மைதானத்தில் சதமடித்தவர்கள் பட்டியிலில் இணைந்தார். அந்த மைதானத்தில் உள்ள பெருமைக்குரிய ஹாணர்ஸ் போர்டில் விராட் கோலியின் பெயரும் பொறிக்கப்பட்டுள்ளது.
இதற்கு முன் கடந்த 2014ஆம் ஆண்டு இந்திய அணியின் முரளி விஜய் இந்த மைதானத்தில் சதமடித்து இந்தப் பெருமையைப் பெற்றுள்ளார்.

தொடரின் 4வது டெஸ்ட் போட்டி ஆகஸ்ட் 30ஆம் தேதி சவுத்தாம்ப்டன் நகரின் ரோஸ் பவுல் மைதானத்தில் தொடங்கும்.