உத்தர்காண்ட் முதல்வரின் டுவிட்டர் பதிவை அழித்த கோலி, அனுஷ்கா சர்மா ஜோடி

டேராடூன்: கிறிஸ்துமஸ் கொண்டாட்டத்திற்காக சென்ற கோலி, அனுஷ்கா சர்மா ஜோடியை உத்தர்காண்ட் முதல்வர் ஹரிஷ் ராவத் மிக உற்சாகமான வரவேற்று அவரது டுவிட்டர் பக்கத்தில் பதிவிட்டுள்ளார். இருப்பினும் கோலி, அனுஷ்கா இருவரும் தங்கள் டுவிட்டர் பக்கத்திலிருந்து அந்த பதிவை நீக்கியுள்ளனர்.

கடந்த 2013ம் ஆண்டு ஜூன் மாதம் உத்தரகாண்டில் ஏற்பட்ட பெருவெள்ளத்தால், மாநிலத்தில் பெரிய இழப்பு ஏற்பட்டது. அதோடு அதன் சுற்றுலா தலங்களுக்கு செல்லும் கூட்டம் மிகவும் குறைந்தது. இதையடுத்து உத்தர்காண்ட் மாநில சுற்றுலாவை ஊக்குவிக்கும் வகையில் 2015ம் ஆண்டு இந்திய கிரிக்கெட் நட்சத்திரம் விராட் கோலியை சுற்றுலா தூதராக நியமித்தனர்.

இந்நிலையில் காதல் பட்டாம்பூச்சியாக சுற்றித்திரியும் விராட் கோலி, அனுஷ்கா சர்மா ஜோடி, கிறிஸ்துமஸ் தின கொண்டாட்டத்திற்காக உத்தரகாண்டின், டேராடூனுக்கு சென்றது.



இந்நிலையில் டேராடூன் விமான நிலையத்துக்கு அருகில் உள்ள நரேந்திர நகர் என்ற இடத்தில் கோலி, அனுஷ்கா சர்மாவுக்கு சிறப்பான வரவேற்பு கொடுக்கப்பட்டது.

Welcome to #Uttarakhand @AnushkaSharma @imVkohli Hope you have memorable moments throughout your visit #VisitUttarakhand #UttarakhandTourism — Harish Rawat (@harishrawatcmuk) December 24, 2016
இதுகுறித்து உத்தர்காண்ட் மாநில முதல்வர் ஹரீஸ் ராவத், விராட் கோலி மற்றும் அனுஷ்கா சர்மாவை வரவேற்று, உங்கள் வருகை என்றும் நினைவில் இருக்கும் வருகையாக இருக்கும். உங்களை உத்தரகாண்ட் சுற்றுலா வர்வேற்கிறது என கோலி மற்றும் அனுஷ்காவின் டுவிட்டருக்கு டேக் செய்து பதிவு செய்துள்ளார்.

இந்நிலையில் இருவரின் பெயரையும் ஒன்றாக சேர்த்து ஹரீஸ் ராவத் பதிவு செய்துள்ளதால் அதை விரும்பாத கோலி, அனுஷ்கா சர்மா, இருவரும் தங்களது டுவிட்டர் பக்கத்திலிருந்து ஹரீஸ் ராவத்தின் டுவிட்டர் பதிவை நீக்கியுள்ளதாக தெரிகிறது.