விராட் கோலி ரொம்ப நல்லவர் : ஐஸ் வைக்கும் ஜோ ரூட்!

விசாகப்பட்டணம்: இந்திய கேப்டன் விராட் கோலி ரொம்ப நல்லவர், அவரிடம் கற்றுக்கொள்ள வேண்டிய விஷயம் நிறைய உள்ளது என இங்கிலாந்து வீரர் ஜோ ரூட் தெரிவித்துள்ளார்.

இந்தியா வந்துள்ள இங்கிலாந்து அணி, 5 டெஸ்ட் போட்டிகள் கொண்ட டெஸ்ட் தொடரில் பங்கேற்கிறது. இதன் முதல் டெஸ்ட் போட்டி ‘டிரா’வில் முடிந்தது. இருஅணிகள் மோதும் இரண்டாவது டெஸ்ட் போட்டி ஆந்திராவின் விசாகப்பட்டினத்தில் நடக்கிறது. இது இந்திய கேப்டன் விராட் கோலியின் 50 வது டெஸ்ட் போட்டியாகும்.

இதே போல இவருக்கு போட்டியாக கருதப்படும் வீரர்களில் ஒருவரான இங்கிலாந்து வீரர் ஜோ ரூட்டும் தனது 50வது டெஸ்ட் போட்டியில் பங்கேற்கிறது. இதில் இந்திய அணி முதலில் பேட்டிங் செய்வதால், கோலி சதம் அடித்து தனது பங்களிப்பை சிறப்பாக செய்தார். இனி ஜோ ரூட்டுக்கான நேரம் என்பதால், கோலி தலையில் பெரிய ஐஸ் வைத்துள்ளார் ரூட்.

இதுகுறித்து ஜோ ரூட் கூறியது:
இந்திய கிரிக்கெட் வீரர் விராத் கோலி, எப்போதும் தனது விளையாட்டில் முன்னேற வேண்டும் என்ற எண்ணத்துடன் செயல்படக்கூடியவர். கடந்த 12 மாதங்களில் அவரது ஆட்டம் ஒருநாள் போட்டிகளில் சிறப்பாக முன்னேறியுள்ளது. தற்போது டெஸ்ட் போட்டிகளிலும்ம் சிறப்பான ஆட்டத்தை வெளிப்படுத்தி வருகிறார். அவர் சிறந்த கேப்டன், அவரிடமிருந்து கற்றுக்கொள்ள வேண்டிய விஷயம் நிறையவுள்ளது.
இவ்வாறு ஜோ ரூட் கூறினார்.