Virat Kohli: இந்தியா உலகக் கோப்பை 2019 வாங்குதுன்னா அது கோலியால தான் இருக்கும் - கம்பீர்

2019 உலகக் கோப்பை இந்திய வென்றால் அதுக்கு விராட் கோலி முக்கிய காரணமாக இருப்பார் என முன்னாள் இந்திய கிரிக்கெட் வீரர் கெளதம் கம்பீர் தெரிவித்துள்ளார்.

2007 மற்றும் 2017 உலகக் கோப்பை இறுதிப் போட்டியில் முறையே 75, 97 ரன்கள் என இந்திய அணியில் அதிக ரன்கள் அடித்த வீரர் என்ற பெருமையை கெளதம் கம்பீர் பெற்றவர்.

2019 உலகக் கோப்பை இந்தியாவுக்கு :
கடந்த செவ்வாய் அன்று அனைத்து வித கிரிக்கெட் போட்டிகளிலிருந்து ஓய்வு பெறுவதாக கெளதம் கம்பீர் அறிவித்தார். இந்நிலையில் 2019 உலகக் கோப்பை இந்தியா வெல்ல அதிக வாய்ப்புள்ளதாகவும், அதற்கு இந்திய கேப்டனாக இருக்கும் விராட் கோலியின் சிறப்பான பேட்டிங் முக்கியமானதாக அமையும் என தெரிவித்துள்ளார்.

“நான் விராட் கோலியின் பேட்டிங்கிற்கு ரசிகன். அவர் ரன் எடுக்கும் விதம், பந்தை எதிர்கொள்ளும் விதம் சிலிர்க்க வைக்கிறது. அவரைப் போன்ற சிறந்த வீரர் கிடைத்தது இந்திய அணிக்கு சிறப்பானது.
அவரது தலைமையில் இந்தியா உலகக் கோப்பையை வெல்லும் என்ற நம்பிக்கை உள்ளது.” என தெரிவித்துள்ளார்.


கெளதம் கம்பீர், விராட் கோலி ஆகிய இருவரும் டெல்லியை சேர்ந்த கிர்க்கெட் வீரர்கள் ஆவர். உள்ளூர் தொடர்களில் இருவரும் இணைந்து விளையாடியுள்ளதோடு, கோலியின் தலைமையின் கீழ் இந்திய அணியிலும் கம்பீர் விளையாடியுள்ளார்.