மகளிர் கிரிக்கெட் நாயகிகளைச் சந்தித்த கோலி

இந்திய கிரிக்கெட் அணியின் கேப்டன் விராட் கோலி இந்திய மகளிர் கிரிக்கெட் அணியை சேர்ந்த வீராங்கனைகளைச் பெங்களூரில் சந்தித்தார்.

இந்தியா வந்துள்ள ஆஸ்திரேலிய அணி 5 ஒருநாள் போட்டிகள் கொண்ட தொடரில் விளையாடி வருகிறது. இத்தொடரின் நான்காவது ஒருநாள் போட்டி வியாழக்கிழமை பெங்களூரில் நடைபெற்றது. இதில் 21 ரன்கள் வித்தியாசத்தில் இந்திய அணி வெற்றியைப் பறிகொடுத்தது.

இப்போட்டிக்குப் பின் இந்திய கிரிக்கெட் அணியின் கேப்டன் விராட் கோலி, இந்திய மகளிர் கிர்க்கெட் அணியின் நட்சத்திர வீராங்கனைகள் ஹர்மன்ப்ரீத் கவுர், ஸ்மிருதி மந்தனா ஆகியோரை சந்தித்து பேசினார். இந்த சந்திப்பில் எடுத்தப் புகைப்படங்கள் இந்திய கிரிக்கெட் அணியின் முகநூல் பக்கத்தில் பகிரப்பட்டுள்ளது.