ஐசிசி., ரேங்கிங்: நங்கூரமாக நச்சுன்னு நீடிக்கும் ‘கிங்’ கோலி... ‘யார்க்கர் ஹீரோ’ பும்ரா!

சர்வதேச கிரிக்கெட் கவுன்சில் (ஐ.சி.சி.,) சார்பில் ஒருநாள் கிரிக்கெட்டில் சிறந்து விளங்கும் அணிகளுக்கான ரேங்கிங்கை வெளியிடப்பட்டுள்ளது. இதில் இந்திய அணி (121 புள்ளிகள்) இரண்டாவது இடத்தை தக்க வைத்துக்கொண்டது.

இங்கிலாந்து அணி (125) முதலிடத்தில் இடத்தில் உள்ளது. நியூசிலாந்து (112), தென் ஆப்ரிக்கா (110), ஆஸ்திரேலியா (110) அணிகள் அடுத்த மூன்று இடங்களில் உள்ளன.

கோலி டாப்
சிறந்த பேட்ஸ்மேன்களுக்கான ரேங்கிங்கில் இந்திய பேட்ஸ்மேன் விராட் கோலி (886) நம்பர்-1 இடத்தில் நீடிக்கிறார். மற்றொரு இந்திய வீரர் ரோஹித் ஷர்மா (868) இரண்டாவது இடத்தில் உள்ளார். பாகிஸ்தானின் பாபர் அசாம் (829) மூன்றாவது இடத்தில் உள்ளார்.


மற்ற இந்திய வீரர்கள் யாரும் ‘டாப்-10’ல் இடம் பெறவில்லை ஷிகர் தவான் (710) 15ஆவது இடத்திலும், முன்னாள் கேப்டன் தோனி (643) 25ஆவது இடத்திலும் உள்ளனர்.

பும்ரா நம்பர்-1
சிறந்த பவுலர்களுக்கான ரேங்கிங்கில் இந்திய வீரர் பும்ரா (764) தனது நம்பர்-1 இடத்தை தக்க வைத்துக்கொண்டார். நியூசிலாந்தின் பவுல்ட் (737), ஆப்கானிஸ்தானின் முஜீப் உர் ரஹ்மான் (701) அடுத்த இரண்டு இடங்களில் உள்ளனர்.


இந்திய சுழற்பந்துவீச்சாளர்களான குல்தீப் (623) 13ஆவது இடத்துக்கு தள்ளப்பட்டார். சஹால் (608) தனது 16ஆவது இடத்தில் நீடிக்கிறார்.

ஸ்டோக்ஸ் அபாரம்
சிறந்த ஆல் ரவுண்டர்கள் பட்டியலில், இங்கிலாந்தின் பென் ஸ்டோக்ஸ் (304) முதலிடத்தில் உள்ளார். ஆப்கானிஸ்தானின் முகமது நபி (301), பாகிஸ்தானின் இமாத் வாசிம் (278) ஆகியோர் அடுத்த இரண்டு இடத்தில் உள்ளனர்.