ஆப்கானிஸ்தானை தொடர்ந்து அயர்லாந்து போட்டியிலும் கோலி விளையாட மறுப்பு

ஐபிஎல் போட்டியை தொடர்ந்து இங்கிலாந்தில் நடக்கும் கவுண்டி போட்டியில் விளையாட கோலி செல்வதால் குட்டி நாடுகளுடன் கேப்டன் கோலி விளையாட தவிர்த்து வருகிறார்.

ஐபிஎல் போட்டி முடிந்ததும் இந்தியா சுற்றுப்பயணம் வரும் ஆப்கானிஸ்தான் அணி ஒரே ஒரு டெஸ்ட் போட்டியில் விளையாட வரவுள்ளது. இதில் இந்திய கிரிக்கெட் கேப்டன் விராட் கோலி பங்கேற்கமாட்டார் என தெரிவிக்கப்பட்டுள்ளது.

இந்நிலையில் ஆப்கானைத் தொடர்ந்து இரு டி20 போட்டிகளில் விளையாட வரும் அயர்லாந்து அணிக்கு எதிரான போட்டியிலும் கோலி விளையாடமாட்டார் என கூறப்பட்டுள்ளது. ஆப்கான் டெஸ்ட் போட்டி ஜூன் 14-18ம் தேதி வரையிலும், அயர்லாந்து போட்டி ஜூலை 27,29ம் தேதிகளில் நடைப்பெற உள்ளது.