வெற்றியை வழக்கமாக ஆசைப்படும் கோஹ்லி !

ஆண்டிகுவா: கிரிக்கெட்டில் வெற்றி பெறுவதை எனது வழக்கமாக மாற்றிக்கொள்ள ஆசைப்படுகிறேன் என இந்திய டெஸ்ட் கேப்டன் விராத் கோஹ்லி கூறியுள்ளார்.

இதுகுறித்து விராத் கோஹ்லி கூறியது: வெஸ்ட் இண்டீஸ் அணிக்கு எதிரான முதல் டெஸ்டில் சுலபமாக வெற்றி பெற்றதில் மகிழ்ச்சி. இதில் பவுலர்கள் முக்கியப்பங்கு வகித்தனர். முதல் இன்னிங்சில் வேகப்பந்து வீச்சாளர்களும். இரண்டாவது இன்னிங்சில் சுழற்பந்து வீச்சாளர்க்ளும் சிறப்பாக செயல்பட்டது, ஆடுகளத்தின் தன்மை எப்படி மாறுகிறது என்பதை காட்டுகிறது.
இறுதியில் இந்திய அணிக்கு இது மிகச்சிறப்பான வெற்றி. இதை இத்தொடர் முழுதும் தொடர ஆசைப்படுகிறேன். சாப்பிடுவது, தூங்குவது போல, வெற்றி பெறுவதையும் வழக்கமாக மாற்றிக்கொள்ளவிரும்புகிறேன். இதை செய்தால் எப்போதும் தோல்வி பற்றி சிந்திக்க வேண்டிய அவசியம் இருக்காது. இவ்வாறு விராத் கோஹ்லி கூறினார்.