நியூசிலாந்து சென்றுள்ள பாகிஸ்தான் அணி, 2 டெஸ்ட் போட்டிகளில் பங்கேற்கிறது. இதன் முதல் டெஸ்ட் போட்டி கிறிஸ்ட் சர்ச்சில் நடந்தது. இதில் பாகிஸ்தான் படுதோல்வியை சந்திதது. இருஅணிகள் மோதும் இரண்டாவது டெஸ்ட் போட்டி ஹாமில்டனில் நடக்கிறது.
இதில் ‘டாஸ்’ வென்ற பாகிஸ்தான் அணியின் 31வது டெஸ்ட் கேப்டன் அசார் அலி, முதலில் ‘பீல்டிங்’ தேர்வு செய்தார். இதன் பின் லேசான மழைகுறுக்கிட போட்டி சுமார் 15 நிமிட தாமதத்துக்கு பின் துவங்கியது. இதையடுத்து களமிறங்கிய நியூசிலாந்து அணி, முதல் நாள் ஆட்டநேர முடிவில், முதல் இன்னிங்சில், 2 விக்கெட்டுக்கு 77 ரன்கள் எடுத்திருந்தது. ராஸ் டெய்லர் (29), ரவால் (35) அவுட்டாகாமல் இருந்தனர்.
இன்றைய இரண்டாவது நாள் ஆட்டத்தை தொடர்ந்த நியூசிலாந்து அணிக்கு ராஸ் டெய்லர் (37) நீண்டநேரம் தாக்குபிடிக்கவில்லை. ரவால் (55) அரைசதம் அடித்து அவுட்டானார். தொடர்ந்து வந்த கிராண்டஹோமே (37), சாட்னர் (16), சவுத்தி (29), ஹென்ரி (15) என அனைவரும் ஓரளவு கைகொடுக்க, நியூசிலாந்து அணி முதல் இன்னிங்சில் 271 ரன்களுக்கு ஆல் அவுட்டானது.
பாகிஸ்தான் அணிக்கு ஷோஹைல் கான் 4 விக்கெட் கைப்பற்றினார். இம்ரான் கான் 3, அமிர் 2 விக்கெட் சாய்த்தனர்.
பின் களமிறங்கிய பாகிஸ்தான் அணியின் துவக்க வீரர்களான அஸ்லாம் (5), அசார் அலி (1) ஆகியோரை சவுத்தி பெவிலியனுக்கு அனுப்பினார். அசாத் சாகிப் (23), ரிஸ்வான் (0) வாக்னரிடம் சரணடைந்தனர். அனுபவ யூனிஸ் கானை (2) சவுத்தி கவனித்தார். இதையடுத்து இரண்டாவது நாள் ஆட்டநேர முடிவில், பாகிஸ்தான் அணி, முதல் இன்னிங்சில் 5 விக்கெட்டுக்கு 76 ரன்கள் எடுத்து 195 ரன்கள் பின்தங்கியுள்ளது.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
