2015 உலகக் கோப்பை: நாங்க இருந்திருந்தா தட்டித் தூக்கிருப்போம் - ஹர்பஜன் சிங்

2011ஆம் ஆண்டில் இந்திய அணி உலகக் கோப்பையை வென்றதையும், குலசேகரா பந்தில் தோனி அடித்த சிக்ஸரையும் யாரும் மறந்திருக்க மாட்டார்கள். அது சச்சின் டெண்டுல்கருக்குக் கடைசி உலகக் கோப்பை போட்டி என்பதால் அதிக எதிர்பார்ப்பு இருந்தது. தோனி தலைமையிலான அனுபவம் வாய்ந்த இந்திய அணி எவ்வித நெருக்கடியும் இல்லாமல் உலகக் கோப்பையைத் தட்டிச் சென்றது. ஆல்ரவுண்டர் யுவராஜ் சிங் தொடர் நாயகனாக வலம்வந்தார். சச்சின் சேவாக், காம்பீர், ஜாகீர் கான், ஹர்பஜன் சிங் உள்ளிட்ட வீரர்கள் இந்திய அணியின் வெற்றிக்குப் பெரிதும் உதவியாக இருந்தனர்.

இத்தொடருக்குப் பின்னர் சச்சின் டெண்டுல்கரின் ஓய்வு, ஃபார்ம் இல்லாததால் சில வீரர்கள் அணியிலிருந்து புறக்கணிப்பு உள்ளிட்ட காரணங்களால் 2015 உலகக் கோப்பை தொடரில் இந்திய அணியால் சிறப்பாகச் செயல்பட முடியவில்லை. அரையிறுதிப் போட்டியில் ஆஸ்திரேலிய அணியிடம் தோல்வியைத் தழுவிய இந்தியா, கோப்பை வெல்லும் வாய்ப்பைத் தவறவிட்டது. இப்போட்டியில் தோனி தவிர மற்ற வீரர்கள் சரியாக ஆடவில்லை. 2015 உலகக் கோப்பையை ஆஸ்திரேலிய அணி தட்டிச் சென்றது.

தொடரை வெல்லும் வெறித்தனத்தில் வெஸ்ட் இண்டீஸ்... தடுக்குமா இந்திய அணி!

2011 உலகக் கோப்பை தொடரில் சுழற்பந்து வீச்சாளரான ஹர்பஜன் சிங்கின் பங்களிப்பு மிக முக்கியமாக இருந்தது. அதைத் தொடர்ந்த 2015 உலகக் கோப்பைக்கு இவர் தேர்வுசெய்யப்படவில்லை. அதன் பின்னர் இந்திய அணியிலிருந்து இவர் தொடர்ந்து புறக்கணிக்கப்பட்டு வருகிறார். இந்நிலையில், 2015 உலகக் கோப்பை அணியில் சேர்க்கப்படாதது குறித்து ஹர்பஜன் சிங் வருத்தம் தெரிவித்துள்ளார். தன்னுடன் சேர்த்து யுவராஜ் சிங், சேவாக், காம்பிர் உள்ளிட்ட வீரர்களும் அணியில் சேர்க்கப்படாதது அதிருப்தியாக இருந்ததாக ’எஜெண்டா ஆஜ் தக்’ நிகழ்ச்சியில் ஹர்பஜன் சிங் கூறியுள்ளார். ஒரு அணி சிறப்பாகச் செயல்பட்டு கோப்பையை வெல்லும்போது அந்த அணியைக் கலைத்துவிட்டு புது அணியை ஏன் தேர்ந்தெடுக்க வேண்டும் என அவர் கேள்வியெழுப்பியுள்ளார்.

இந்திய வீரர்கள் பயிற்சியில் யார்க்கர் ‘கிங்’ பும்ரா...

இதுவரையில் 236 ஒருநாள் போட்டிகளில் விளையாடியுள்ள ஹர்பஜன் சிங் மொத்தம் 269 விக்கெட்டுகளை வீழ்த்தியுள்ளார்.