england Vs west indies: பாலோ –ஆனை தவிர்த்த வெஸ்ட் இண்டீஸ்... வெற்றிக்காகப் போராடும் இங்கிலாந்து!

இங்கிலாந்து மற்றும் மேற்கிந்தியத் தீவுகள் அணிகளுக்கு இடையிலான இரண்டாவது டெஸ்ட் கிரிக்கெட் போட்டி இறுதிக் கட்டத்தை எட்டியுள்ளது. முதல் இன்னிங்ஸில் இங்கிலாந்து அணி 469 ரன்களை குவித்தது. அடுத்து களமிறங்கிய மேற்கிந்தியத் தீவுகள் அணி 270 ரன்கள் எடுத்தால் மட்டுமே பாலோ-ஆனை தவிர்க்க முடியும் என்ற நிலையில் 287 ரன்கள் எடுத்து ஆட்டமிழந்தது.

முதல் இன்னிங்ஸில் இங்கிலாந்து அணி 9 விக்கெட் இழப்பிற்கு 469 ரன்களை குவித்து டிக்ளேர் செய்தது. அதன்பின் களமிறங்கிய மேற்கிந்தியத் தீவுகள் அணி ஒரு விக்கெட் இழப்பிற்கு 32 ரன்கள் எடுத்திருந்த நிலையில், மூன்றாம் நாள் ஆட்டம் மழையால் முழுமையாக ரத்தானது. இன்றைய நான்காம் நாள் ஆட்டத்தில் மேற்கிந்தியத் தீவுகள் அணி 287 ரன்கள் எடுத்து முதல் இன்னிங்ஸை முடித்துக் கொண்டது.

மேற்கிந்தியத் தீவுகள் அணி 270 ரன்கள் எடுத்தால் மட்டுமே பாலோ-ஆனை தவிர்க்க முடியும் என்று கூறப்பட்ட நிலையில், 260 ரன்களுக்கு 8 விக்கெட்களை இழந்து திணறியது. நிதானமாக விளையாடிய ரோஸ்டன் சேஸ் பரபரப்பான கடைசி நேரத்தில் சாம் கரன் வீசிய 95ஆவது ஓவரில் இரண்டு பவுண்டரிகளை விளாசி, தமது அணியை பாலோ-ஆனில் இருந்து மீட்டெடுத்தார்.

England vs West Indies: இப்படியொரு ஏமாற்றம் - செம ஃபீலிங்கில் பென் ஸ்டோக்ஸ்!

நான்காம் நாளின் முதல் இரண்டு செசன்களில் மேற்கிந்தியத் தீவுகள் அணி சிறப்பான ஆட்டத்தை வெளிப்படுத்தியது. 5 விக்கெட் இழப்பிற்கு 242 எடுத்து நல்ல நிலையில் இருந்தபோது, கடைசி செசனில் மளமளவென விக்கெட்கள் சரிந்தன. இதனால், மேற்கிந்தியத் தீவுகள் அணி அனைத்து விக்கெட்களையும் இழந்து 287 ரன்கள் எடுத்தது. தொடக்க ஆட்டக்காரர் பிராத்வெயிட் (75 ரன்கள்), சமர்க் ப்ரூக்ஸ் (68 ரன்கள்), ரோஸ்டன் சேஸ் (51 ரன்கள்) ஆகியோர் அரை சதம் விளாசி அணிக்கு கை கொடுத்தனர்.

தொடக்கத்தில் விக்கெட்களை வீழ்த்த தடுமாறிய இங்கிலாந்து அணி பந்து வீச்சாளர்கள், கடைசி செசனில் அதிரடியாகப் பந்து வீசி விக்கெட்களை அள்ளினர். ஸ்டூவர்ட் பிராட், கிரிஸ் ஓக்ஸ் தலா 3 விக்கெட்களை வீழ்த்தினர். சாம் கரன் இரண்டு விக்கெட்களை எடுத்தார். டாம் பெஸ் மற்றும் பென் ஸ்டோக்ஸ் தலா ஒரு விக்கெட்டை சாய்த்தனர்.

England vs West Indies: வெஸ்ட் இண்டீஸ் பேட்ஸ்மேன்களை வீழ்த்த மல்லுக்கட்டும் இங்கிலாந்து பௌலர்கள்!!

தற்போது, இரண்டாவது இன்னிங்ஸை ஆடிவரும் இங்கிலாந்து அணி 2 விக்கெட் இழப்பிற்கு 37 ரன்களை எடுத்து 219 ரன்கள் முன்னிலை பெற்றுள்ளது. பென் ஸ்டோக்ஸ் 16 ரன்களுடனும், ஜோ ரூட் 8 ரன்களுடனும் களத்தில் உள்ளனர்.