இந்தியாவுக்கு எதிரான விண்டீஸ் அணி அறிவிப்பு!

இந்திய அணிக்கு எதிரான முதல் இரண்டு போட்டிகளில் பங்கேற்கும் விண்டீஸ் அணி அறிவிக்கப்பட்டுள்ளது. இதில் ஜேசன் ஹோல்டர் கேப்டனாக தேர்வு செய்யப்பட்டார்.

சாம்பியன்ஸ் டிராபி கிரிக்கெட் தொடரை தொடர்ந்து வெஸ்ட் இண்டீஸ் செல்லும் இந்திய அணி 5 ஒருநாள், 1 டி-20 போட்டிகளில் பங்கேற்கிறது. இதில் ரிஷப் பண்ட், தினேஷ் கார்த்திக், குல்தீப் யாதவ் உள்ளிட்ட இளம் வீரர்களுக்கு வாய்ப்பு வழங்கப்பட்டுள்ளது.

வரும் 23ம் தேதி துவங்கும் இத்தொடரின் முதல் இரண்டு ஒருநாள் போட்டிகளில் பங்கேற்கும் விண்டீஸ் அணி இன்று அறிவிக்கப்பட்டது. அதில் ஜேசன் ஹோல்டர் கேப்டனாக தேர்வு செய்யப்பட்டார்.

அணி விவரம்: ஜேசன் ஹோல்டர் (கேப்டன்), தேவேந்திர பிஷோ, ஜொனாதன் கார்டர், ராஸ்டன் சேஸ், மிக்குல் கம்மின்ஸ், ஷாய் ஹோப், அல்ஜாரி ஜோசப், எவின் லிவிஸ், ஜேசம் முகமது, ஆஸ்லே நர்ஸ், கெய்ரன் பாவல், ராவ்மேன் பாவல், கெஸ்ரிக் வில்லியம்ஸ்.