WPL 2023: ‘நீ தாதா னா?’...நா டானுக்கெல்லாம் டான்: அந்த அணிக்கு எச்சரிக்கை விடுத்த டெல்லி அணி...வேற லெவல் வெற்றி!

மகளிர் ஐபிஎல் 2023 தொடரின் 5ஆவது லீக் போட்டியில் டெல்லி கேபிடல்ஸ் மகளிர் அணி, உத்திரபிரதேச வாரியர்ஸ் ஆகிய அணிகள் மோதின.

இப்போட்டியில் டாஸ் வென்ற உத்திரபிரதேச வாரியர்ஸ் அணி முதலில் பந்துவீச்சைத் தேர்வு செய்தது.

டெல்லி கேபிடல்ஸ் மகளிர் இன்னிங்ஸ்:

முதலில் களமிறங்கிய டெல்லி அணியில் ஓபனர், கேப்டன் மிக் லேனிங் அபாரமாக விளையாடி 2 பந்துகளில் 10 பவுண்டரி, 3 சிக்ஸர்கள் உட்பட 70 ரன்களை குவித்து அசத்தினார். தொடர்ந்து ரோட்ரிகஸ் 34 (22), அலீஸ் காப்சே 21 (10), ஜொனாசென் 42 (20) ஆகியோர் அபாரமாக விளையாடியதால், டெல்லி கேபிடல்ஸ் அணி 20 ஓவர்களில் 211/4 ரன்களை குவித்து அசத்தியது.

உபி வாரியர்ஸ் இன்னிங்ஸ்:

இலக்கை துரத்திக் களமிறங்கிய உத்திரபிரதேச வாரியர்ஸ அணியில், நம்பர் 1 வீராங்கனை தகிலா மெக்ரத் 90 (50) ரன்களை விளாசி அசத்தினார். மற்றவர்கள் சிறப்பாக செயல்படவில்லை. கேப்டன் ஹெய்லி 24 (17), கிரன் நவ்கிர் 2 (2), தீப்தி ஷர்மா 12 (20) போன்றவர்கள் சொதப்பினார்கள். இதனால், உத்திரபிரதேச வாரியர்ஸ் அணி 20 ஓவர்கள் முடிவில் 169/5 ரன்களை மட்டும் சேர்த்து, 42 ரன்கள் வித்தியாசத்தில் தோற்றது.

எச்சரிக்கை:

தற்போது மும்பை இந்தியன்ஸ் மகளிர் அணிதான் பேட்டிங், பந்துவீச்சு ஆகியவற்றில் அபாரமாக செயல்பட்டு பிரமாண்ட வெற்றியைப் பெற்று வருகிறது. இதனால், மும்பை இந்தியன்ஸ் அணிதான் கோப்பை வெல்லும் எனக் கருதப்படுகிறது. இந்நிலையில், அவர்களுக்கு டப் கொடுக்கும் வகையில் டெல்லி கேபிடல்ஸ் மகளிர் அணி செயல்பட்டு வருவதால், இந்த இரு அணிகளுக்கு இடையில்தான் கோப்பைக்கான போட்டி இருக்கும் எனக் கருதப்படுகிறது.