ஆப்நகரம்

WPL 2023: ‘பொல்லார்ட் போல் செயல்பட்ட’…மும்பை வீராங்கனை: ரன் குவிப்பு..குஜராத் அணி படுதோல்வி!

கெய்ரன் பொல்லார்ட் போல், மும்பை இந்தியன்ஸ் வீராங்கனை அபாரமாக செயல்பட்டு அசத்தினார்.

Authored byமதுரை சமயன் | Samayam Tamil 5 Mar 2023, 6:55 am
மகளிர் ஐபிஎல் தொடர் தற்போது துவங்கி நடைபெற்று வருகிறது. இத்தொடரில் டெல்லி, மும்பை, பெங்களூர், குஜராத், உத்திரபிரதேசம் ஆகிய அணிகள் பங்கேற்று விளையாட உள்ளன.
Samayam Tamil மகளிர் ஐபிஎல் 2023


இதில் முதல் லீக் போட்டியில் மும்பை இந்தியன்ஸ் மகளிர் அணியும், குஜராத் ஜெய்ண்ட்ஸ் அணியும் மோதின. இப்போட்டியில் டாஸ் வென்ற குஜராத் ஜெய்ண்ட்ஸ் அணி முதலில் பந்துவீச்சைத் தேர்வு செய்தது.

மும்பை இன்னிங்ஸ்:

இப்போட்டியில் முதலில் களமிறங்கிய மும்பை இந்தியன்ஸ் மகளிர் அணியில் ஓபனர் யாஷ்டிகா பாடியா 1 (8) பெரிய ஸ்கோர் அடிக்கவில்லை. இவர் அதிக பந்துகளை எதிர்கொண்டு ஆட்டமிழந்ததால் மும்பை இந்தியன்ஸுக்குத்தான் அழுத்தம் அதிகரித்தது.

மே.இ.தீவுகள் வீராங்கனை அதிரடி:

அப்போது, மற்றொரு ஓபனரான மேற்கிந்தியத் தீவுகள் வீராங்கனை ஹெய்லி மேத்யூஸ் தொடர்ந்து காட்டடி அடித்து, பௌலர்கள் மீது அழுத்தங்களை ஏற்படுத்தினார். குறிப்பாக, நான்கு சிக்ஸர்களை அடித்து ஸ்கோரை கிடுகிடுவென உயர்த்தினார். இறுதியில் 31 பந்துகளில் 3 பவுண்டரி, 4 சிக்ஸர்கள் உட்பட 47 ரன்களை விளாசிய இவரால், அரை சதம் எடுக்க முடியாமல் போனது.

இதனால், அழுத்தங்களுடன் இருந்த பௌலர்களுக்கு எதிராக நான் சிவர் பர்ன்ட் 23 (18), ஹர்மன்பிரீத் கௌர் 65 (30), அமிலா கிர் 45 (24), பூஜா வஸ்ட்ராகர் 15 (8) ஆகியோர் அதிரடியாக செயல்படு ரன்களை குவித்தனர். இறுதியில் மும்பை இந்தியன்ஸ் மகளிர் அணி 207/5 ரன்களை குவித்து அசத்தியது.

குஜராத் இன்னிங்ஸ்:

இலக்கை துரத்திக் களமிறங்கிய குஜராத் ஜெய்ண்ட்ஸ் அணியில் ஹேமலதா 29 (23), மோனிகா படேல் 10 (9) ஆகியோர் மட்டும்ரான் இரட்டை இலக்க ரன்களை அடித்தனர். மற்றவர்கள் ஒற்றை இலக்க ரன்களை மட்டும்தான் சேர்த்தார்கள். இறுதியில் குஜராத் ஜெய்ண்ட்ஸ் அணி 15.1 ஓவர்கள் முடிவில் 64/10 ரன்களை மட்டும் சேர்த்து, 143 ரன்கள் வித்தியாசத்தில் தோற்றது.

இன்றைய இரண்டாவது நாள் ஆட்டத்தில் ஆர்சிபி மகளிர், டெல்லி கேபிடல்ஸ் மகளிர் அணிகள் மோதவுள்ளன.
எழுத்தாளர் பற்றி
மதுரை சமயன்
நான் மதுரை சமயன். பத்திரிகை துறையில் உள்ள ஆர்வத்தால், கடந்த 3 வருடங்களாக பணிபுரிந்து வருகிறேன். விளையாட்டு செய்திகளை, அரசியல் செய்திகளை எழுதுவதில் ஆர்வம். உடனுக்குடன் செய்திகளை கொண்டு சேர்க்க வேண்டும் என்பதில் தனி ஆர்வம் உண்டு. தற்போது, Times Of India சமயம் தமிழில் Digital Content Producerஆக பணிபுரிகிறேன்.... மேலும் படிக்க

அடுத்த செய்தி

டிரெண்டிங்