WPL 2023: ‘தோனியின் தீவிர ரசிகை’…அபார அரை சதம்: கெர்த் 5 விக்கெட்...கடைசிவரை ட்விஸ்ட்..த்ரில் வெற்றி!

மகளிர் ஐபிஎல் தொடரின் 2ஆவது லீக் போட்டியில் உத்திரபிரதேச வாரியர்ஸ், குஜராத் ஜெய்ண்ட்ஸ் ஆகிய அணிகள் மோதின. இப்போட்டியில் டாஸ் வென்ற குஜராத் ஜெய்ண்ட்ஸ் அணி முதலில் பேட்டிங் தேர்வு செய்தது.

உபி வாரியர்ஸ் இன்னிங்ஸ்:

இப்போட்டியில் முதலில் களமிறங்கிய உத்திரபிரதேச வாரியர்ஸ் அணியில் ஓபனர்கள் மகானா 24 (15), டங்க்லி 13 (11) ஆகியோர் பெரிய ஸ்கோர் அடிக்கவில்லை. இதனைத் தொடர்ந்து தியோல் 46 (32) மிரட்டலாக விளையாடி ரன்களை குவித்தார்.

தொடர்ந்து கார்ட்னர் 25 (19), ஹெமலதா 21 (13) ஆகியோர் கடைசிக் கட்டத்தில் அதிரடியாக விளையாடியதால், உத்திரபிரதேச வாரியர்ஸ் அணி 20 ஓவர்களில் 169/6 ரன்களை குவித்து அசத்தியது.

குஜராத் ஜெய்ண்ட்ஸ் இன்னிங்ஸ்:

இலக்ககை துரத்திக் களமிறங்கிய குஜராத் ஜெய்ண்ட்ஸ் அணியில் ஓபனர்கள் ஹெய்லி 7 (8), சிராவட் 5 (6), தகிலா மெக்ரத் 0 (1) ஆகியோர் அடுத்தடுத்து ஆட்டமிழந்து ஷாக் கொடுத்தனர்.

தோனியின் ரசிகை:

இதனைத் தொடர்ந்து, மகேந்திரசிங் தோனியின் தீவிர ரசிகையான கிரன் நவ்கிர் 53 (43) அபாரமாக விளையாடி அரை சதம் அடித்து அசத்தினார். தொடர்து கடைசிக் கட்டத்தில் கிரேஸ் ஹரிஸ் 59 (26), எலிஸ்டோன் 22 (12) ஆகியோர் காட்டடி அடித்ததால், உத்திரபிரதேச வாரியர்ஸ் அணி 19.5 ஓவர்கள் வரை போராடி 175/7 ரன்களை குவித்து, 3 விக்கெட்கள் வித்தியாசத்தில் த்ரில் வெற்றியைப் பெற்றது.

குஜராத் ஜெய்ண்ட்ஸ் வேகப்பந்து வீச்சு வீராங்கனை கிம் கிரத் 5/36 விக்கெட்களை கைப்பற்றி அசத்தினார்.