WTC Final: 'ஜடேஜாவால் சொதப்பும் சிராஜ்'... ஆஸி தொடர் ரன் குவிப்பு: இந்தியா வெற்றிபெற இது மட்டும்தான் வழி!

டெஸ்ட் சாம்பியன்ஷிப் பைனலில் டாஸை இழந்து, முதலில் களமிறங்கிய ஆஸ்திரேலிய அணியில் மிடில் வரிசை பேட்டர்கள் ஸ்டீவ் ஸ்மித் 121 (268), டிராவிஸ் ஹெட் 163 (174) ஆகியோர் சிறப்பாக விளையாடியதால், அந்த அணி முதல் இன்னிங்ஸில் 469/10 ரன்களை குவித்தது.

இதனைத் தொடர்ந்து முதல் இன்னிங்ஸ் களமிறங்கிய இந்திய அணியில் அஜிங்கிய ரஹானே 89 (129), ஷர்தூல் தாகூர் 51 (109) ஆகியோர் அரை சதம் அடித்தனர். மற்றவர்களில் ஜடேஜாவை 48 (51) தவிர யாரும் பெரிய தாக்கத்தை ஏற்படுத்தவில்லை. இதனால், இந்திய அணி முதல் இன்னிங்ஸில் 296/10 ரன்களை மட்டும் சேர்த்து, 173 ரன்கள் பின்தங்கியது.

ஆஸி இரண்டாவது இன்னிங்ஸ்:

அடுத்து, மெகா முன்னிலையுடன் இரண்டாவது இன்னிங்ஸ் களமிறங்கிய ஆஸ்திரேலிய அணியில் லபுஷேன் 41 (126), ஸ்மித் 34 (47), கிரீன் 25 (95) ஆகியோர் ஓரளவுக்கு சிறப்பாக விளையாடி ஆட்டமிழந்தனர். இதனால், ஆஸ்திரேலிய அணி தற்போது நான்காவது நாள் முதல் செஷன் முடிவில் 201/6 ரன்களை சேர்த்து, 374 ரன்கள் மெகா மின்னிலை பெற்றுள்ளது. தற்போது அலேக்ஸ் ஹேரி 41 (61), மிட்செல் ஸ்டார்க் 11 (19) ஆகியோர் களத்தில் இருக்கிறார்கள்.

ஜடேஜாவால் சிராஜ் சொதப்பல்?

இன்றைய, நான்காவது நாள் முதல் செஷனில் ஜடேஜா, சிராஜ் ஆகியோர் சில ஓவர்களில் மாறி மாறி பந்துவீசினார்கள். அப்போது ஜடேஜா ஒரு ஓவரை 100 விநாடிகளுக்குள் ஓவரை வீசிவிட்டு, வந்ததால் சிராஜிற்கு போதிய ஓய்வு கிடைக்கவில்லை. ரோஹித் ஷர்மாவும் இந்த பிரச்சினையை கண்டுகொள்ளவில்லை. தொடர்ந்து ஓய்வில்லாமல் பந்துவீசியதால், சிராஜால் பெரிய தாக்கத்தை ஏற்படுத்த முடியவில்லை எனக் கருதப்படுகிறது.