WTC Final: 'ஷர்தூல் தாகூரின்'...கையில் 2 முறை காயம்: மாற்று பௌலரை களமிறக்க முடியுமா? விதிமுறை இதுதான்!

டெஸ்ட் சாம்பியன்ஷிப் பைனலில் இந்தியா, ஆஸ்திரேலியா ஆகிய ஆகிய அணிகள் மோதி வருகின்றன. முதலில் களமிறங்கிய ஆஸ்திரேலிய அணி, முதல் இன்னிங்ஸில் 469/10 ரன்களை சேர்த்தது.

இந்திய இன்னிங்ஸ்:

இதனைத் தொடர்ந்து முதல் இன்னிங்ஸ் களமிறங்கியுள்ள இந்திய அணியில் முதல் 4 பேட்டர்களில் யாருமே 20 ரன்களை கூட தொடவில்லை. ரோஹித் ஷர்மா 15 (26), ஷுப்மன் கில் 13 (15), சேத்தேஸ்வர் புஜாரா 14 (25), விராட் கோலி 14 (31) ஆகியோர் படுமோசமாக சொதப்பி ஆட்டமிழந்தார்கள்.

இதனைத் தொடர்ந்து, ரவீந்திர ஜடேஜா ஓரளவுக்கு அதிரடியாக விளையாடி 48 (51) ரன்களை எடுத்தார். அடுத்து, அஜிங்கிய ரஹானே 29 (71) மற்றும் கேஎஸ் பரத் 5 (14) ஆகியோர் களத்தில் இருந்தபோது, இரண்டாவது நாள் முடிவுக்கு வந்தது.

மூன்றாவது நாள்:

இதனைத் தொடர்ந்து மூன்றாவது நாளின், இரண்டாவது பந்திலேயே கேஎஸ் பரத்தை 5 (15) போலந்த் போல்ட் ஆக்கினார். அடுத்து ரஹானே, ஷர்தூல் தாகூர் ஆகியோர் விளையாடி வருகிறார்கள். ஆஸ்திரேலிய அணியினர் தொடர்ந்து ஷார்ட் பால்களை வீசி வந்த நிலையில், அதனை எதிர்கொண்டபோது ஷர்தூல் தாகூரின் வலது கையில் இரண்டுமுறை பட்டது. வலியால் துடித்த ஷர்தூலை அணியிம் மருத்துவர் உடனே வந்து பார்த்தார். அதன்பிறகு, ஸ்ப்ரே அடிக்கப்பட்டது. ஷர்தூல் தற்போது தடுமாற்றத்துடன் விளையாடி வருகிறார்.

ஷர்தூல் தாகூர் ஓரளவுக்கு பேட்டிங் செய்தாலும், பந்துவீசும்போது அவருக்கு வலி இருக்கும். சிறப்பாக பந்துவீசுவது கஷ்டம் எனக் கருதப்படுகிறது. இதனால், டெஸ்ட் விதிமுறைப்படி, காயத்திற்கு மாற்று வீரர் களமிறக்கப்பட்டுவாரா என்ற கேள்வி இருக்கிறது. ஆனால், இந்த விதிமுறை டெஸ்ட் சாம்பியன்ஷிப் பைனலுக்கு பொருந்தது எனக் கருதப்படுகிறது.

இந்திய அணி தற்போதுவரை 197/6 ரன்களை எடுத்துள்ளது. ரஹானே 53 (94), ஷர்தூல் தாகூர் 14 (36) ஆகியோர் களத்தில் இருக்கிறார்கள்.