WTC Final 2023: 'டாஸ் வென்றது இந்தியா'...விக்கெட் கீப்பர் யார்? ஒரு ஸ்பின்னருக்குதான் இடம்: பிட்ச் ரிப்போர்ட்!

உலக டெஸ்ட் சாம்பியன்ஷிப் 2021-2023 தொடர் தற்போது இறுதிக் கட்டத்தை எட்டியுள்ளது. லீக் சுற்றுகள் அனைத்தும் நடந்து முடிந்து இறுதிப் போட்டி மட்டும்தான் எஞ்சியிருக்கிறது.

லீக் சுற்றில் சிறப்பாக செயல்பட்ட இந்தியா, ஆஸ்திரேலிய அணிள் இறுதிப் போட்டிக்கு முன்னேறியுள்ளன. இங்கிலாந்து ஓவல் மைதானத்தில் துவங்கியுள்ள இந்த இறுதிப் போட்டியில் டாஸ் வென்ற இந்திய அணி முதலில் பந்துவீச்சைத் தேர்வு செய்துள்ளது.

டாஸ் வென்றப் பிறகு பேசிய ரோஹித் ஷர்மா, ''முதலில் பந்துவீச விரும்புகிறோம். இந்திய அணியில் 4 வேகப்பந்து வீச்சாளர்கள், ஒரு ஸ்பின்னர் விளையாட உள்ளனர். அந்த ஒரு ஸ்பின்னர் ரவீந்திர ஜடேஜா தான். அஸ்வின் ஒரு மேட்ச் வின்னர்தான். ஆனால், அணியின் காம்பினேஷனை மனதில் வைத்து முடிவு எடுத்துள்ளோம்'' எனக் கூறினார்.

ஓவல் மைதானத்தில், முதல்முறையாக ஜூன் மாதத்தில் டெஸ்ட் நடைபெறவுள்ளது. இங்கு இதுவரை 104 டெஸ்ட் போட்டிகள் நடந்துள்ளன.

பிட்ச் ரிப்போர்ட்:

இங்கிலாந்து ஓவல் மைதானத்தில் தற்போது குளிர்ந்த காற்று வீசி வருகிறது. ஆகையால், பிட்சில் ஸ்விங் இருக்கும் எனக் கருதப்படுகிறது. வேகப்பந்து வீச்சாளர்களால் பெரிய தாக்கத்தை ஏற்படுத்த முடியும். பவுன்சர்கள் அதிகம் இருக்கும் எனவும் தகவல் வெளியாகியுள்ளது.

இந்திய XI அணி: ரோஹித் ஷர்மா, ஷுப்மன் கில், சேத்தஸ்வர் புஜாரா, விராட் கோலி, அஜிங்கிய ரஹானே, கே.எஸ்.பரத், ரவீந்திர ஜடேஜா, ஷர்தூல் தாகூர், முகமது ஷமி, முகமது சிராஜ், உமேஷ் யாதவ்.

ஆஸ்திரேலிய XI அணி: டேவிட் வார்னர், உஸ்மான் கவாஜா, மார்னஸ் லபுஷேன், ஸ்டீவ் ஸ்மித், டிராவிஸ் ஹெட், கேமரூன் கிரீன், அலேக்‌ஸ் ஹேரி, மிட்செல் ஸ்டார்க், பாட் கம்மின்ஸ், ஸ்காட் போலாந்த், நாதன் லைன்.