’தல’ தோனி கால்ல விழுந்தாலும் தப்பில்ல..: பாக்., கேப்டனுக்கு யூசுப் அறிவுரை!

கராச்சி: இந்திய முன்னாள் கேப்டன் தோனியிடம் ஆலோசனை பெறும் படி தடுமாறும் பாகிஸ்தான் கிரிக்கெட் கேப்டன் சர்ப்ராஜ் அஹமதுக்கு முன்னாள் கேப்டன் முகமது யூசுப் அறிவுரை அளித்துள்ளார்.

இந்திய அணியின் வெற்றிக்கேப்டன் தோனி. இவர் சர்வதேச அரங்கில் ஐசிசி.யால் நடத்தப்படும் மூன்று உலகக்கோப்பை (50 ஓவர் (2011), 20 ஓவர் (2007), சாம்பியன்ஸ் டிராபி (2013)) வென்று கொடுத்தவர்.

இவர் தன் மீது எழுந்த விமர்சனங்கள் காரணமாக கேப்டன் பொறுப்பில் இருந்துவிலகி இளம் கோலி தலைமையில் ஒருநாள், டி-20 போட்டிகளில் மட்டும் பங்கேற்று வருகிறார்.

இந்நிலையில் கேப்டன் பொறுப்பில் மட்டும் இல்லாமல் தற்போது வரை கீப்பிங்கிலும் ‘கிங்’காகவே தோனி திகழ்கிறார். தற்போது பேட்டிங், கீப்பிங் என அனைத்திலும் தடுமாறும் பாகிஸ்தான் கேப்டன் சர்ப்ராஜ் அஹமது ஆலோசனை பெற வேண்டும் என முன்னாள் பாகிஸ்தான் கேப்டன் முகமது யூசுப் தெரிவித்துள்ளார்.

இதுகுறித்து யூசுப் கூறுகையில்,’ என்னைப்பொறுத்த வரையில் சர்ப்ராஜ் தனது ஆரோக்கியத்திலும், நுணுக்கத்திலும் கவனம் செலுத்த வேண்டும். அவர் அதை செய்யாத பட்சத்தில் எப்படி அணி வீரர்களிடம் அவர் அதை எதிர்பார்க்க முடியும். மூன்று விதமான கிரிக்கெட்டிலும் ஒரு பேட்ஸ்மேனாகவும் கீப்பராகவும் சாதித்து காட்டியவர் இந்திய கேப்டன் தோனி. அவரிடம் ஆலோசனை கேட்பதில் எவ்வித தவறும் இருப்பதாக எனக்கு தெரியவில்லை. கீப்பராக இருந்து கொண்டு கேப்டன் சுமையை சுமப்பது அவ்வளவு எளிதான விஷயமல்ல.’ என்றார்.

KARACHI: Former Pakistan captain Mohammad Yousuf has advised national team captain and wicketkeeper Sarfraz Ahmed to consult Mahendra Singh Dhoni to get over his fitness and form issues.