T20 World Cup 2021: காயம் காரணமாக விலகிய ‘டான் ஆல்-ரவுண்டர்’: மே.இ.தீவுகள் அணிக்கு பலத்த அடி!

ஆடவர்களுக்கான 7ஆவது டி20 உலகக் கோப்பை முதல் சுற்று போட்டிகள் கடந்த 17ஆம் தேதிமுதல் துவங்கி நடைபெற்று வருகிறது. அடுத்து 23ஆம் தேதிமுதல் சூப்பர் 12 சுற்றுகள் ஆரம்பமாகும். இந்த சுற்றுக்கு ஐசிசி தரவரிசையில் முதல் எட்டு இடங்களை பிடித்த அணிகள் நேரடியாக தகுதிபெற்றுவிட்டது. முதல் சுற்று மூலம் நான்கு அணிகள் என மொத்தம் 12 அணிகள் இந்த சூப்பர் 12 சுற்றில் விளையாடும்.

நடப்பு சாம்பியன்:

இந்த டி20 உலகக் கோப்பை தொடரில், கோப்பை வெல்ல வாய்ப்புள்ள அணிகளில் மேற்கிந்தியத் தீவுகள் அணியும் ஒன்று. கடைசியாக 2016ஆம் ஆண்டில் நடைபெற்ற டி20 உலகக் கோப்பை தொடரில் சாம்பியன் பட்டத்தை கைப்பற்றி அசத்தியிருந்தது. இந்நிலையில், 7ஆவது டி20 உலகக் கோப்பையிலும் பட்டம் வெல்ல அதிக வாய்ப்பிருப்பதாக கிரிக்கெட் விமர்சகர்கள் கருதுகிறார்கள்.

இளமை+அனுபவம்:

மேற்கிந்தியத் தீவுகள் அணியைப் பொறுத்தவரை கெய்ரன் பொல்லார்ட், கிறிஸ் கெய்ல், ஆண்ட்ரே ரஸல் போன்ற அனுபவ வீரர்களுடன் எவன் லிவிஸ், நிகோலஸ் பூரன், ஷிம்ரோன் ஹெட்மையர் போன்ற இளம் வீரர்களும் கலவையாக இடம்பெற்றுள்ளனர். இது அந்த அணியின் மிகப்பெரிய பலமாக பார்க்கப்படுகிறது.

கடும் பின்னடைவு:

இந்நிலையில் இப்படி பலமிக்க அணியாக இருக்கும் மேற்கிந்தியத் தீவுகள் அணியில் ஆல்-ரவுண்டர் ஃபாபியன் ஆலன் கணுக்கால் காயம் காரணமாக டி20 உலகக் கோப்பை தொடரிலிருந்து விலகியுள்ளார். அமீர மைதானம் சுழலுக்கு சாதகமானது. இதனால், சுழற்பந்து வீச்சாளர் ஆல்-ரவுண்டர் பெரிய தாக்கத்தை ஏற்படுத்துவார்கள் எனக் கணிக்கப்பட்டுள்ளது. இதனால், ஆலனின் இழப்பு மேற்கிந்தியத் தீவுகளுக்கு பெரும் பின்னடைவை ஏற்படுத்தும் என கிரிக்கெட் விமர்சகர்கள் கருதுகிறார்கள். இவருக்குப் பதிலாக அகில் ஹோசன் என்ற இளம் பௌலர் சேர்க்கப்பட்டுள்ளளார்.

ஆலான் 7.21 என்ற அற்புதமான எகனாமியில் பந்துவீசக் கூடியவர். இவரது பௌலிங் சராசரி 27.05 ஆகும். அதுமட்டுமல்ல டெத் ஓவர்களில் களமிறங்கி ரன் மழை பொழிய கூடியவர் என்பது குறிப்பிடத்தக்கது.