T20 World Cup: பெஸ்ட் XI அணி இதுதான்…ஹர்ஷா போக்ளே தேர்வு: விருது வென்ற பேட்ஸ்மேனுக்கு ‘நோ’!

ஆடவர்களுக்கான 7ஆவது டி20 உலகக் கோப்பை தொடர், கடந்த அக்டோபர் 17ஆம் தேதி துவங்கி, நேற்று நிறைவடைந்தது. அத்தொடரின் முதல் அரையிறுதியில் இங்கிலாந்து, நியூசிலாந்து அணிகளும், இரண்டாவது அரையிறுதியில் பாகிஸ்தான், ஆஸ்திரேலிய அணிகளும் மோதிய நிலையில் நியூசிலாந்து, ஆஸ்திரேலிய அணிகள் இறுதிப் போட்டிக்கு தகுதி பெற்றன.

இந்த இறுதிப் போட்டியில் முதலில் களமிறங்கிய நியூசிலாந்து அணி 172/4 ரன்கள் குவித்த போதும், ஆஸ்திரேலிய அணி 18.5 ஓவர்களில் (173/2) இலக்கை எட்டி அபார வெற்றியைப் பெற்று, கோப்பையை தட்டித்தூக்கியது. 77 ரன்கள் அடித்த மிட்செல் மார்ஷுக்கு ஆட்ட நாயகன் விருது வழங்கப்பட்டது. தொடர் நாயகன் விருதினை டேவிட் வார்னர் பெற்றார்.

இந்திய இளம் வீரர்களுக்கு ஆபத்து…கண்டுகொள்ளாமல் இருக்கும் பிசிசிஐ: மேட்ச் இப்போ தேவைதானா?

பெஸ்ட் XI:

இந்நிலையில், இத்தொடரில் சிறப்பாக செயல்பட்ட வீரர்களை வைத்து பலரும் XI அணியை உருவாக்கி வருகின்றனர். அந்த வகையில் இந்திய அணி முன்னாள் வீரர், கிரிக்கெட் வர்ணனையாளர் ஹர்ஷா போக்ளேவும் தனது XI அணியை கணித்து கூறியுள்ளார்.

ஓபனர்களுக்கான இடத்தை பாகிஸ்தான் கேப்டன் பாபர் அசாம், இங்கிலாந்த்தை சேர்த்த ஜாஸ் பட்லர் ஆகியோருக்கு வழங்கியுள்ளார். இத்தொடரில் சிறப்பாக விளையாடி தொடர் நாயகன் விருதை வென்ற டேவிட் வார்னருக்கு அவர் இடம் கொடுக்கவில்லை. ஒன் டவுன் இடம் இலங்கை பேட்ஸ்மேன் சாரித் அசலங்காவுக்கு வழங்கப்பட்டுள்ளது. தென்னாப்பிரிக்க பேட்ஸ்மேன் எய்டன் மார்க்கரமுக்கு 4ஆவது இடம் ஒதுக்கப்பட்டுள்ளது. பாகிஸ்தான் மூத்த வீரர் ஷோயிப் மாலிக் அடுத்த இடத்தில் இருக்கிறார்.

IND VS NZ T20: ‘பாவம்’ இந்த 3 இளம் பேட்ஸ்மேன்கள்…வாய்ப்பு கிடைக்காதாம்: சோப்ரா வருத்தம்!

ஸ்பின் ஆல்-ரவுண்டர்களாக இங்கிலாந்தைச் சேர்ந்த மொயின் அலி, இலங்கை வீரர் வனிந்து ஹசரங்கா ஆகியோர் இருக்கிறார்கள். வேகப்பந்து வீச்சாளர் ஆல்ரவுண்டராக நமீபியாவைச் சேர்ந்த டேவிட் வீஸ் தேர்வாகியுள்ளார். ஜோஷ் ஹேசில்வுட், ஷாஹீன் அப்ரீதி, ஆன்ரிக் நோர்க்கியா ஆகியோர் வேகப்பந்து வீச்சாளர்களாக இடம்பெற்றுள்ளனர்.

ஹர்ஷா போக்ளே-வின் டி20 உலக கோப்பையின் பெஸ்ட் XI: பாபர் அசாம்,ஜாஸ் பட்லர், சாரித் அசலங்கா, மார்க்ரம், ஷோயிப் மாலிக், மொயின் அலி, வனிந்து ஹசரங்கா, டேவிட் வீஸ், ஜோஷ் ஹேசில்வுட், ஷாஹீன் அஃப்ரீதி, ஆன்ரிக் நோர்க்கியா.