இப்போட்டியில் பாகிஸ்தானை வீழ்த்தக் கூடிய சரியான இந்திய XI எதுவாக இருக்கும் என்பதை காண ரசிகர்கள் இப்போதே ஆவலாக இருக்கிறார்கள். தற்போது இந்த இந்திய XI குறித்த உத்தேச அணியை பார்ப்போம்.
ரோஹித் ஷர்மா:
மூன்று வடிவ கிரிக்கெட்டிலும் சிறந்த ஓபனராக திகழ்பவர் ரோஹித் ஷர்மா. இந்திய அணியின் நிரந்தர ஓபனராக இருந்து வருகிறார். ஐபிஎலில் மும்பை இந்தியன்ஸ் அணிக்காக 5 முறை கோப்பை வென்று கொடுத்திருக்கிறார். மூன்று வடிவ கிரிக்கெட்டிலும் சதம் அடித்த வெகு சிலரில், இவரும் ஒருவர். டி20 கிரிக்கெட்டில் 138.96 ஸ்ட்ரைக் ரேட் வைத்துள்ளார்.
கே.எல்.ராகுல்:
2020ஆம் ஆண்டில், இந்திய அணிக்காக மூன்று வடிவ கிரிக்கெட்டிலும் அதிக ரன்கள் குவித்த முதல் வீரராக இருந்தார். ஐபிஎல் 13ஆவது சீசனிலும் அதிக ரன்கள் குவித்த முதல் வீரராக இருந்து ஆரஞ்சு தொப்பியை வென்றார். தற்போது ஐபிஎல் 14ஆவது சிசனிலும் காட்டடி அடித்து வருகிறார்.
விராட் கோலி (கேப்டன்):
மூன்று வடிவ கிரிக்கெட்டிலும் 50+ சராசரி வைத்திருக்கும் ஒரே இந்திய வீரர். டி20 கிரிக்கெட்டில் 139.04 ஸ்ட்ரைக் ரேட்டுடன் 28 அரை சதங்கள் விளாசியிருக்கிறார். இம்முறை டி20 உலகக் கோப்பையை வென்றுகொடுக்க வேண்டிய கட்டாயத்தில் இருக்கிறார்.
சூர்யகுமார் யாதவ்:
சுழலுக்கு எதிராக சிறப்பாக விளையாடக் கூடியவர். கடந்த சில வருடங்களாகவே அபாரமான ஆட்டத்தை வெளிப்படுத்தி வருகிறார். இதனால்தான், ஷ்ரேயஸ் ஐயருக்கு பதிலாக இவர் தேர்வு செய்யப்பட்டுள்ளார்.
ரிஷப் பந்த்:
23 வயதாகும் இளம் வீரர் ரிஷப் பந்த், அதிவேகப் பந்துவீச்சாளர்கள் ஜோப்ரா ஆர்ச்சர், ஜேம்ஸ் ஆண்டர்சனுக்கு எதிராக ரிவர்ஸ் லேப் ஷாட் ஆடி, பிரமிக்க வைத்தவர். பயமில்லாத அட்டாக்கிங் கிரிக்கெட்டிற்கு பேர் போனவர்.
ஹார்திக் பாண்டியா:
ஹார்திக் பாண்டியா தேர்வு குறித்து பலரும் அதிருப்தி தெரிவித்து வருகிறார்கள். காரணம், இவர் 2019ஆம் ஆண்டிற்குப் பிறகு பந்துவீசாமல் இருந்து வருகிறார். டி20 உலகக் கோப்பையில் நிச்சயம் பந்துவீசுவார் என நம்பப்படுகிறது. இவர் பவர் ஹிட்டர் என்பதால், ஆட்டத்தை ஒரே ஓவரில் மாற்றிக்காட்ட முடியும்.
ரவீந்திர ஜடேஜா:
தற்போதை இந்திய அணியில் நல்ல பார்மில் இருக்க கூடியவர் ஜடேஜா. பேட்டிங், பந்துவீச்சு, பீல்டிங் என அனைத்திலும் மிரட்டலாக விளையாடி அசத்தி வருகிறார். சுருக்கமாக சொன்னால் இந்தியாவின் 3D பிளேயர்.
ரவிச்சந்திரன் அஸ்வின்:
போட்டி நடைபெறும் துபாய் மைதானம் சுழலுக்கு சாதகமானது. இதனால், இந்தியா மூன்று ஸ்பின்னர்களுடன்தான் களமிறங்கும் என எதிர்பார்க்கப்படுகிறது. அஸ்வினால், சிறந்த ஆட்டக்காரர்களை கூட திணறடிக்க முடியும்.
புவனேஷ்வர் குமார்
இந்தியாவின் ஸ்விங் கிங் என புவனேஷ்வர் குமாரை கூறலாம். பவர் பிளே, டெத் ஓவர்களில் சிறப்பாக பந்துவீசக் கூடியவர். இதுவரை 50 போட்டிகளில் விளையாடி 51 விக்கெட்களை வீழ்த்தியிருக்கிறார்.
ராகுல் சஹார்:
வெற்றிகரமான ஸ்பின்னர் யுஜ்வேந்திர சஹாலுக்கு மாற்றாக ராகுல் சஹார் சேர்க்கப்பட்டுள்ளார். அந்தளவுக்கு ராகுல் சஹார் சமீப காலமாகவே மிரட்டலாக பந்துவீசி வருகிறார். இந்தியாவுக்காக 5 டி20 போட்டிகளில் மட்டுமே விளையாடியிருக்கும் நிலையில் ஒரு போட்டியில் 3 விக்கெட்டை கைப்பற்றி அசத்தியிருக்கிறார்.
ஜஸ்பரீத் பும்ரா:
டெத் ஓவர்களில் மிரட்டலாக பந்துவீசக் கூடியவர்தான் பும்ரா. மொத்தம் 49 டி20 போட்டிகளில் விளையாடியுள்ள இவர் 59 விக்கெட்களை கைப்பற்றி அசத்தியுள்ளார். டெத் ஓவர்களில் இவரைதான் இந்திய அணி முழுவதுமாக நம்பியிருக்கும். யார்க்கர்களை துல்லியமாகவீசி, ஜாம்பவான் பேட்ஸ்மேன்களையும் திணறடிக்க கூடியவ