இந்த வகை போட்டிக்கு அதிரடி பேட்ஸ்மேன்கள் மட்டுமே செட் ஆவார்கள். தொடர்ந்து சிக்ஸர், பவுண்டரிகளை அசால்ட்டாக விளாசுபவர்கள்தான் சூப்பர் ஸ்டாராக திகழ்வார்கள். அப்படி சூப்பர் ஸ்டாராக திகழ வேண்டியவர்களில் சிலர் சர்வதேச டி20 கிரிக்கெட்டில் ஒரு சிக்ஸர் கூட அடிக்காமல், இருந்திருக்கிறார்கள். அவர்களில் டாப் 3 வீரர்கள் குறித்து தற்போது பார்ப்போம்.
3.ஸ்டீபன் பிளம்மிங்:
சென்னை சூப்பர் கிங்ஸ் அணியின் தலைமை பயிற்சியாளராக இருக்க கூடிய நியூசிலாந்து அணி முன்னாள் வீரர் ஸ்டீபன் பிளம்மிங், மொத்தம் 5 சர்வதேச டி20 கிரிக்கெட் போட்டிகளில் பங்கேற்று விளையாடியிருக்கிறார். அதில் அவர் அடித்த 110 ரன்களில் 80 ரன்கள் பவுண்டரி மூலம் மட்டுமே கிடைத்தது. ஒரு சிக்ஸர் கூட அடிக்கவில்லை.
2.அம்பத்தி ராயுடு:
ஐபிஎல் தொடரில் சென்னை சூப்பர் கிங்ஸ் அணிக்காக விளையாடி வரும் அம்பத்தி ராயுடு, பலமுறை அதிரடி சிக்ஸர்களை விளாசி அணிக்கு வெற்றியைப் பெற்றுக்கொடுத்துள்ளார். இருப்பினும், சர்வதேச டி20 கிரிக்கெட்டில் 5 போட்டிகளில் பங்கேற்று 42 ரன்கள் மட்டுமே அடித்துள்ளார். அதில் ஒரு சிக்ஸர் கூட கிடையாது.
1.ஆன்ட்ரூ ஸ்ட்ராஸ்:
இங்கிலாந்து அணி முன்னாள் கேப்டன் ஆன்ட்ரூ ஸ்ட்ராஸ், அவர் விளையாடிய காலகட்டத்தில் மிகச்சிறந்த பேட்ஸ்மேன்களில் ஒருவராக திகழ்ந்தார். இடது கை பேட்ஸ்மேனான இவர் 4 சர்வதேச கிரிக்கெட்டில் மட்டும் பங்கேற்று 73 ரன்கள் அடித்துள்ளார். அதில் 9 பவுண்டரிகள் மட்டுமே அடங்கும். ஒரு சிக்ஸர் கூட அடிக்கவில்லை.