ஓவராக நடிக்கும் நெய்மரை கண்டபடி கலாய்க்கும் மீம்ஸ்களின் தொகுப்பு!!!

மெக்சிகோக்கு எதிரான போட்டியில், பிரேசில் அணியின் நட்சத்திர வீரர் நெய்மர் ஓவராக நடித்ததாக, பலரும் அவரை இணையதளங்களில் கலாய்த்து வருகின்றனர்.

விளையாட்டு உலகின் மிகப்பெரிய திருவிழாவாக கருதப்படும் பீபா கால்பந்து உலகக்கோப்பை கடந்த சில வாரங்களுக்கு முன் ரஷ்யாவில் தொடங்கியது. 32 அணிகள் பங்கேற்ற இந்த உலகக்கோப்பையில், குரூப் சுற்றுகள் முடிந்து நாக் அவுட் சுற்றுக்கு 16 அணிகள் தகுதி பெற்றன.

இந்த நாக் அவுட் சுற்றில், மெக்சிகோ அணியும் 5 முறை சாம்பியனான பிரேசில் அணியும் மோதின. இதில், பிரேசில் அணி 2-0 என்ற கோல் கணக்கில் அபாரமாக வெற்றி பெற்று, காலிறுதி சுற்றுக்கு தகுதி பெற்றது.

பொதுவாக, கால்பந்து விளையாட்டில், எதிரணி வீரர்கள் தவறு செய்தால், மற்ற அணிக்கு பந்து கிடைக்கும். அதிலும், எதிரணியின் கோல் கீப்பர் பாக்ஸில் தவறு செய்தால், அது மற்ற அணிக்கு பெனால்டி வாய்ப்பைப் பெற்றுத் தரும். இதற்காக, சில நேரங்களில் எதிரணி வீரர்கள் சாதாரணமாக தொடும்போது கூட, மிகவும் பலமாக அடிப்பட்டதாக நடிப்பது வழக்கம்.

இந்நிலையில், மெக்சிகோ போட்டியின் போது பிரேசில் அணியின் நட்சத்திர வீரர் நெய்மர், காலில் அடிப்பட்டது போல் கீழே விழுந்து துடித்தார். ஆனால், அவர் துடித்த விதம், அவர் உண்மையிலேயே வலியால் துடிக்கிறாரா அல்லது நடிக்கிறாரா என்ற சந்தேகத்தை அனைவரிடமும் ஏற்படுத்தியது. அதேபோல், எதிரணி சிறிது தொட்டால் கூட, கீழே விழுந்து 10 முறையாவது உருண்டு சென்று அதை பெரிது செய்து விடுகிறார்.

அவர் பொதுவாகவே இதுபோன்று செய்வது வழக்கம் என்றாலும், இந்த உலகக்கோப்பையின் அனைத்துப் போட்டிகளிலும் இப்படி எதையாவது ஓவராக செய்வது அனைவரிடம் திட்டு வாங்கிவருகிறார். இதனால், நெய்மரை பலரும் சமூக வலைத் தளங்களில் கலாய்த்து வருகின்றனர். அதன் சில தொகுப்புகள் இதோ: